Er TimbaLand með í Eurovision?

Eins og mér er tamt að gera þá legg ég undir fjöldan allan af veðmálum hjá erlendum veðbönkum fyrir evróvísjón keppnina, svona aðeins til þess að gera kvöldið skemmtilegra. Í fyrra hafði ég tæplega 30.000 kr. í hagnað af þessu og vona ég að það sama verði uppi á teningnum í ár.

Ég reyni ekki að veðja outright á eitt lag heldur dreifi áhættunni með því að leggja undir á top4 og þá með óhagstæðari stuðlum heldur en ef ég reyni við toppsætið. Einnig bjóða veðbankarnir upp á það að veðja á hvort land A verði fyrir ofan land B og vice versa. Allavega, í yfirferð minni yfir lagaflóruna greindi eyra mitt tiltekinn takt sem ég þekkti vel úr sérdeilis fínu lagi með Timbaland og JT.

Athugið hvort þið (h)eyrið það líka:

Grikkland:


Timbaland:



Einnig eru spænska lagið og Gasolina með nákvæmlega sama undirtón, en það er of augljóst til þess að þurfa taka það fram. Ennfremur er algjörlega ónauðsynlegt að taka það fram hversu fáranlega kynþokkafull Nelly Furtado er.