Til marks um slæma fréttamennsku á Íslandi þá birtist frétt á mbl.is í kvöld varðandi bandaríska hlutabréfamarkaðnum. Hin venjulegi leikmaður kveikir væntanlega ekki strax á þeirri villu sem fylgir þessari frétt, en ég sem hinn upplýsti samfélagsþegn, áttaði mig á þessu strax. Staðreyndin er sú að bandaríski markaðurinn er lokaður í dag, því í dag er Memorial Day. Bandaríkjamenn taka sér frí þennan dag til að minnast fallinna hermanna, sem gáfu líf sitt til verndar þjóð sinni. En í dag fórna bandarískir hermenn sér fyrir heimsfrið og í framtíðinni munum við hafa einn ákveðinn frídag til heiðurs þessum hermönnum sem komu á heimsfrið.

Mér finnst samt ótrúlegt að mbl.is hafi birt þessa frétt um markaðinn og sérstaklega furðulegt að þeir virðast ekki hafa áttað sig á því að þær tölur sem þeir gefa upp í fréttinni eru nákvæmlega þær sömu og í fréttinni sem þeir birtu síðastliðið föstudagskvöld þegar markaðurinn vestra lokaði.

Aðeins um borgarstjórnarkosningarnar:
Samstarf Framsóknar og Sjálfstæðisflokksins er jákvætt að því leyti til að Frjálslyndiflokkurinn komst ekki til valda með stefnu sína varðandi flugvallarstæðið í Vatnsmýrinni. Viss sjarmi er af því að sjá fokkervélarnar fljúga yfir miðborgina, en ef við viljum efla borgina okkar sem borg, en ekki sem stóran dreifbýlisbæ, þá þurfum við að nýta Vatnsmýrina fyrir verslun, menningu, fyrirtæki, íbúðir og menntun. Flytjum flugvöllinn til Keflavíkur og bætum samgöngur að hinni glæsilegu tvíbreiðu Reykjanessbraut. Þá á að vera hægt að komast frá Keflavíkurflugvelli til miðborgarinnar á innan við 30 mín. Við Reykvíkingar erum ekki skuldbundnir til þess að halda úti flugvelli á okkar verðmætasta landsvæði fyrir landsbyggðina, þó að ríkið veitir okkur aðhald þar. Þá þurfa 50% íslendinga ekki að fljúga á reykjavíkurflugvöll og keyra svo til keflavíkur til þess að fara til útlanda. Vonum að einkabílismi Sjálfstæðisflokksins verði ekki til þess að breyta Vatnsmýrinni í bílastæði fyrir stúdentaíbúðir eða þjónustuíbúðir fyrir aldraða.