Vil auglýsa nýtt heimili pælinga unnustu minnar, en þær eru nú staðsettar á www.kaaber.blog.is ,

Var um helgina í Cambridge, Cambridgeshire, East - Britain og kom þessi gamli háskólabær skemmtilega á óvart. Hlýr (ekki hýr) andi flaug yfir síkjum og blés aldargömlum hugmyndum látvarða um kylfunotkun á 6.braut 130 metra frá flatarkanti í eyra mér, það gaf mér svo sannarlega gaum, gaum sem ég bað ekki um.

Fréttir af mér.

Í síðustu viku ákváðum við hjónaleysin að setja íbúðina (202) aftur á sölu sökum þess að íbúðin ská fyrir neðan okkur (101) hafði nýverið farið í sölu. Ásett verð á henni er 23.9, en það er eflaust í fersku minni ykkar flestra að þegar við settum okkar íbúð fyrst í sölu fyrir ári síðan þá settum við 23.4 á hana, lækkuðum svo 2vikum síðar í 22.7 (fengum þá tilboð að andvirði 21.5, en gerðum gagntilboð uppá 21.7 sem var hafnað) og síðar lækkuðum við hana í 21.9 þegar að íbúðin fyrir ofan okkur (302) fór einnig á sölu og seldist á innan við viku á 22.3. Ykkur í enn ferskara minni þá seldist íbúðin okkar kæra að Bárugranda ekki þrátt fyrir miklar verðlækkanir af okkar hálfu. Við gripum því til þess ráðs að leigja út íbúðina að Sólvallagötu í 10 mánuði og rennur leigusamningurinn út í lok maí. Til að upplýsa ykkur betur um ýmiss atriði er snerta þessar fasteignahræringar þá er vert að geta þess að allar íbúðinar í stiganginum okkar nema okkar (5 talsins) eru 3 herbergja og því söluvænni fyrir vikið. Hinsvegar skipta innréttingar, hæð, útsýni og áttir máli þegar kemur að verðlagningu. Fasteignamat ríkisins (www.fmr.is) metur eignir með tilliti til framangreindra þátta. Okkar íbúð er einmitt metin næst hæst á stigaganginum á eftir íbúðinni ská fyrir ofan okkur. Hinsvegar frumástæða þess að við settum okkar á sölu í síðustu viku var hversu gríðarlega hátt íbúð 101 er verðlögð. Þarna sá ég holu í markaðnum. Skellti okkar á sölu á mánudeginum, tveir komu að skoða á þriðjudeginum, við fengum tilboð að upphæð 22.6 á miðvikudeginum og gerðum gangtilboð samdægurs sem samsvarar uppsettu verði 22.9. Á fimmtudeginum var tilboðinu tekið. Það gefur okkur sölutekjur upp á 7.000.000 kr, ágætis búbót. Kostnaður er 1% söluþóknun og svo ýmiss tilfallandi gjöld að andvirði tæplega 50.000 kr.

1.maí er afhending. Þið ykkar sem eruð glögg áttið ykkur strax á því að þá erum við á götunni í mánuð þar sem að leigusamningurinn rennur ekki út fyrr en 31.maí. Að öllum líkindum munum við dveljast í litlu herbergi með bað og eldhúsi í Mosfellsbænum það tímabil. 1.júni hefjast svo framkvæmdir á risíbúðinni að Sólvallagötu 27 sem munu kosta allt að 1.500.000 kr. Skipta um parket, glugga, eldavél, bakaraofn, blöndunartæki og svo mála, laga og snyrta. Ég vonast til þess að þær muni hjálpa til við það.

Ég ætlaði að fara á Chelsea - Tottenham um næstu helgi í FA-Cup, en við feðgarnir fengum ekki miða og hofum þar af leiðandi breytt ferðinni í ídeal golfferð með ásamt tennis sem er fáranlega nice.

Ætli það fari illa með eistun að vera of oft í alltof þröngum buxum?

Íbúðin fyrir neðan okkur fór í sölu í gær. Hún er virkilega falleg, dirfist ég til þess að segja fallegri heldur en okkar eigin, þau setja á hana 22.5. Ég er svo mikill höstler að ná þessu upp í uppsett verð, frekar stoltur af mér ef ég tala beint frá eistunum.