(Ritað 30.05.2007)
Josh Grobon er alls ekkert ólíkur honum
Leif. Það er samt meiri úlfur í Leif á meðan Josh er fullmikil gæra, hver rænir Söknuðinum hans Jóhanns Helgasonar. Hinsvegar ætla ég ekki að skrifa neitt um vinnuna mína, ég ætla ekki að vera með skondnar sögur um aðstæður sem flugliðin ég lendi í. Þær gætu skaðað mig. Þær sköðuðu Leif, hans fyrrverandi vinnuveitandi neitaði honum um áframhaldandi sumarvinnu vegna ummæla, eða bakþanka, varðandi vinnu sína síðasta sumar. Ég ætla ekki að falla í sömu gryfju. Ég mun ekki gagnrýna vinnuveitandan minn opinberlega. Það gæti kostað mig vinnuna mína. En skiptir það nokkru máli? Það gæti farið svo að flugfélagið sem ég starfa hjá verði selt á næstu árum með tilkomu "open skies" samningsins á milli BNA og Evrópu. Þar er kveðið um að evrópsk flugfélög megi eiga virkan hlut í bandarískum flugfélögum og vice versa. Þetta gæti orðið til þess að aukin samþætting mun eiga sér stað í flugheiminum. Hingað til hafa evrópsk flugfélög ekki fengið að fljúga innanlands í Bandaríkjunum, en með þessum samning munu þær reglur breytast. Það er annað sem eykur líkur á mögulegri sölu á Icelandair á næstunni, en það er tilkoma nýrra þotna frá Boeing (NYSE:BA) (Dreamliner) og Airbus (A380). Þær verða langdrægari og þ.a.l. verður módel Icelandair, að nota Keflavíkurflugvöll sem skiptistöð fyrir farþega yfir Atlandshafið, óþarft. Á kynningarnámskeiði varðandi nýja þjónustu um borð í vélum Icelandair til Bandaríkjanna beindi ég þessari spurningu til stjórnarmanns Icelandair hvort millilendingarmódelið myndi brátt líða undir lok. Hann svaraði spurningunni hálfpartinn undir rós og talaði um hversu spennandi það væri fyrir erlenda ferðamenn að lenda á Íslandi: "...þetta minnir þá á tunglið, ...hmmm, eru einhverjar fleiri spurningar?" Hver nennir að millilenda á Íslandi þegar þú getur flogið beint frá Baltimore til Amsterdam?! Ég velti því þeirri spurningu upp hvort að Keflavíkurflugvöllur geti orðið alþjóðlegur skiptiflugvöllur fyrir Asíu, Evrópu og Bandaríkin? Það er í burðarliðnum að hefja áætlunarflug til Kína og Indlands þegar Dreamliner vélarnar frá Boeing bætast í hóp þeirra þotna sem Icelandair á í dag, árið 2009. Þetta verður forvitnilegt. (Viðbót 05.07.2007)
Vegna aukinnar og harðandi samkeppni í áætlunarflugi á flugi milli Evrópu og Bandaríkjanna tel ég að það sé að myndast grundvöllur fyrir sameiningu Icelandair og Iceland Express. Í fyrsta lagi tel ég það skaða bæði félög að keppa á þessum litla markaði sem felur í sér flutning á erlendum farþegum til og frá Íslandi. Í öðru lagi, með breyttum áherslum á þjónustu um borð og fargjöldum er Icelandair að þróast í að verða lággjaldaflugfélag, ef þeir eru ekki orðnir það nú þegar, án þess þó að viðurkenna það. Í þriðja lagi þá mun Icelandair geta boðið ódýrari fargjöld fyrir farþega yfir Atlandshafið því nú hafa þeir aðgang að litlum sveitaflugvöllum sem Express flýgur til þar sem að flugvallarskattar og gjöld eru lægri en á stóru alþjóðaflugvöllunum sem Icelandair hefur aðgang að. Fyrir vikið er Icelandair aftur orðið af ódýra lágfargjaldaflugfélaginu sem að hipparnir á sjöunda og áttunda áratugunum muna svo vel eftir og tala ávallt um þegar þeir ferðast með okkur í dag yfir Atlandshafið. Með þessu verður til eitt stærsta lágfargjaldaflugfélag í heimi. Ég hugsa að þessi samruni muni verða að veruleika á næsta ári, 2008. Sjáum til hvort ég hafi rétt fyrir.FL Group fjárfesti fyrir tæplega hálfu ári í móðurfélagi American Airlines (NYSE: AMR) sem er stærsta flugfélag Bandaríkjanna. Síðan þá hafa bréf AMR lækkað um rúmlega 35% en hafa verið að taka við sér síðustu viku og hækkað um tæp 7%. Bréf í flugfélögum hafa verið að hækka undirfarnar vikur þrátt fyrir að olíuverið hafi nánast ekkert lækkað, heldur á hinn bóginn, hækkað. Þetta er athyglisvert. Ég vil meina að flugfélög eru ennþá of lágt verðlögð og kauptækifæri eru á hverju horni. Ég stóðst ekki freistinguna og nældi mér í stöður í brasilíska flugfélaginu GOL Linhas (NASDAQ: GOL) í febrúar og hefur sú fjárfesting skilað mér góðri ávöxtun ef gengið er undanskilið.
Nú er komið að því að búa til smá tónlistarhype.
°°°°franxt°°°°
------ YouTube ------
°°°groove°°°
°°elektro°°
Nóg í bili.
eða.
það muna eflaust margir eftir Liger myndbandinu af youT, altso þá er fjallað þar um afkvæmi ljóns og tígurs.
HÉR er umfjöllun um HEBRA. (nei, kjáninn þinn, ekki júða).
