Í dag er þriðjudagur, "can I make it any more obvious?". Í dag er febrúar, "what more can I say?".

Þriðjudagur er skítugur endaþarmur vikunnar og að mínu mati er febrúar þriðjudagur ársins. Ég skrifa þetta ekki til þess að móðga 1 né n1, ég þekki marga ágæta einstaklinga sem eiga afmæli í febrúar en jafnvel þeir hljóta að sjá sannleikann. Ofsaveður og snjóflóð eiga sér stað í febrúar og þegar svo hádramatískir hlutir eru ekki að gerast þá er maður sífellt blautur í lappirnar, með hor í nefi, frosið slef, grílukerti í yfirvaraskegginu, kláðamaur, bauga/glóðuraugu, slitin krossbönd, minnimáttarkennd og alnæmi.
Það er ekki nema von að þessi grái og ógeðslegi mánuður sé meira en tólf sinnum styttri en allir hinir til samans. Ef mánuðunum væri stillt upp í knattspyrnulið væri febrúar á varamannabekknum. Forkeppni Evróvisjón, 2003, var haldin í febrúar og sú keppni var skelfilega léleg. Að vera fastur í febrúar í 28 daga er eins og að vera fastur á þessari heimasíðu í 28 daga.

Lifið heil.