í dag er föstudagur, dagur mögulegur, eða réttara sagt möguleikanna. Loftið er kalt og tært og þú getur séð alla leið yfir á Snæfellsnes.

Þegar þú andar frá þér kemur reykjarmökkur út úr þér, sem er soldið töff af því að þá heldur fólk að þú sért að reykja, sem er töff.

Á meðan reykurinn streymir út úr þér og þú starir opinmynnt/ur út á jökulinn góða, er tilvalið að velta því aðeins fyrir sér hvert þú stefnir í lífinu. Tilgangur. Markmið. O.s.frv.

Líklega endar þetta þó allt saman fram á barborði á Celtic, myrkrið hefur gleypt jökulinn og þú ert að reykja í raun og veru, en það er líka ofboðslega heitt þarna inni og þú ert að kafna.

"Ég er að kafna..." korrar í þér og þú sígur lengra fram á borðið. Þú hugsar um forgengileikann.

Skyndilega birtist risastór svartur köttur fyrir framan þig, og hann stendur á afturlöppunum, dansar eins og hann sé flogaveikur og æpir: "This is the winter of your discontent!" á meðan hann strýkur sér um veiðihárin með dollaraseðlum.

Þetta fær svo á þig að þú