Var að taka þátt í könnun varðandi svifryksmengun í Reykjavík og skattlagningu á nagladekk. Persónulega tel ég ekki nauðsynlegt að notast við nagladekk innan borgarmarkanna. Hinsvegar eru þeir ófáir sem kjósa að ferðast útá land að vetri til þegar að færð getur verið breytileg og veður getur skipast fljótt í lofti. Þá gæti verið lífsnauðsynlegt að vera á bíl sem hefur nagladekk. Meirihluti banaslysa eiga sér stað úti á landi og eru þá yfirleitt ungir ökumenn undir stýri. Það eru einmitt helst ungir ökumenn á skólaaldri sem hafa ekki ráð á því að setja nagladekk undir bíla sína ef slík dekk yrðu skattlögð. Þessi hópur er einnig helsti örsakahópur ökuslysa innanbæjar. Nær þykir mér að hækka iðgjöld og rekstrargjöld bifreiða í formi skattlagningar og lækka gjald í almenningssamgöngur. Jafnvel niðurgreiða strætókort að einhverju leyti fyrir ungt skólafólk. Hvað finnst þér ?

Þessi helgi verður notuð í að ditta uppá íbúðina, flísaleggja inní elduhúsi og setja hurðahún á svalahurðina sem Úlfar tók með sér til G-orgíu.

Buðum 19.000.000 kr. í litla kózý íbúð á 4.hæð með útsýni til allra átta í dag. Ég reikna með því að þessu tilboði verði hafnað, en við ætlum ekki að bjóða meira. Þessi íbúð er gullmoli. Hér eru myndir >>>>> OOOOOIIIIIIIIIIIIOOOOO

LE TIGRE...

Reglulega fínt vídejó.

>>>>>VIDJÓ<<<<<

Það tekur langan tíma að gera skattaframtalið vegna íbúðakaupa, húsnæðislána, hlutbréfakaupa og hlutabréfasölu. Einnig fékk ég mikið greitt í sumar í dagpeningum og þá þarf að færa til frádráttar og gefa upp SDR gengi á þeim tíma sem dagpeningurinn var greiddur. Kemur ekki á óvart að margur leitar sér hjálpar frá endurskoðendum. Búinn að eyða cirka 5 klukkutímum í þetta í dag. Hey, it´s all for the money.

...djöfull er söngkonan í Pussycat dolls fáranlega viðbjóðslega hot !

Lítill söngfugl bættist við heimilið í dag þegar að Einar Baldwin kom með afmælisgjöfina sína frá því í gærkvöldi í dag til varanlegrar vistar. Hún var skýrð Saga af kaupanda sínum, Öddu. Annars er ekkert að frétta nema að með aldrinum þá lætur maður efnishyggju víkja fyrir félagshyggjunni.

POW

Hvað er betra en gott garage rapp ?

Í Kastljósinu í gær var almenningur spurður hver væri helsta ógn sem staðaði af landinu. Flestir svöruðu hryðjuverk. Ég vil hinsvegar meina að okkur staðar meiri ógn af feminisma og ísbjörnum heldur en hryðjuverkum. Hvað ætti herinn að gera ef Achmed Allaawed ákveður að sprengja sig í loft upp í Hamraborginni í Kópavogi ? Hinsvegar þurfum við herinn nauðsynlega ef Ísbirnir ákveða skyndilega að ganga berseksgang um Vestfirðina, þá þurfum við herþotur sem geta komið þeim í opna skjöldu og jafnvel eitt skip af landgönguliðum til þess að endurheimta fallegu vestfirsku bæina okkar aftur úr höndum herskára Ísbjarna. Herinn á að vera löngu farinn og við eigum að auglýsa okkur sem herlausa og friðelskandi þjóð, sem skilar sér í auknum fjölda ferðamanna til landsins. Hipparnir í norðri. Eina sem vantar er alvöru tónlistarhátíð að sumri til sem gæti lokkað alla hippa heimsins til Íslands þar sem þeir og við fögnum friði í náttúru Íslands, en fyrst þarf að lögleiða hass.

and a cat...

Afleiður eru samningar þar sem uppgjörsákvæði samninganna byggir á þróun einhvers þáttar svo sem vaxta, gengis gjaldmiðla, hlutabréfagengis, skuldabréfagengis, hlutabréfavísitölu eða verðs á hrávörum. Virði slíks samnings byggir á þróun þessara undirliggjandi þátta frá samningsdegi til uppgjörsdags. Dæmi um afleiður eru framvirkir samningar, valréttir og vaxtaskiptasamningar.


Framvirkur samningur (e. forward contract) er einfaldasta form afleiðusamnings og er samkomulag á milli tveggja aðila um að kaupa eða selja eign á fyrirfram ákveðnu verði á fyrirfram ákveðnum tíma. Eitt form framvirks samnings er að annar aðilinn sem gerir samninginn tekur gnóttstöðu (e. long position) og samþykkir að kaupa undirliggjandi eign á ákveðnu verði í framtíðinni, hann gerir því framvirkan kaupsamning. Mótaðili samningsins tekur skortstöðu (e. short position) og samþykkir
að selja undirliggjandi eign á ákveðnu verði í framtíð, hann gerir því framvirkan sölusamning. Framvirkir samningar geta verið af ýmsum gerðum og eru sérsniðnir að þörfum sérhvers viðskiptavinar.


Eins og framvirkur samningur er framtíðarsamningur (e. futures contract) samkomulag á milli tveggja aðila um að kaupa eða selja eign á fyrirfram ákveðnu verði á ákveðnum tíma. Ólíkt framvirkum samningum er verslað með framtíðarsamninga í um 50 kauphöllum um allan heim, en þó ekki á Íslandi. Framtíðarsamningar eru staðlaðir framvirkir samningar þar sem ákveðin er gerð undirliggjandi eignar, magn eignar og hvenær og hvernig eignin verður afhent. Allur hagnaður (og tap) af framvirkum
samningum er gerður upp í lok samningstímans en hagnaður (og tap) af framtíðarsamningum er gerður upp í lok hvers dags. Sá sem gerir framtíðarsamning þarf að leggja greiðslu á tryggingarreikning (e. margin account) hjá viðkomandi kauphöll. Í lok hvers viðskiptadags er markaðsverð samningsins fundið og ef verðgildi tryggingarreikningsins fer niður fyrir ákveðið gildi (e. maintenance margin) þá verður viðkomandi aðili að leggja inn upphæð á tryggingarreikninginn þannig að staða hans verði jafn há og í upphafi.

Ástæða þess að framtíðarsamningar eru staðlaðir og gerðir upp daglega er til þess að koma í veg fyrir vanskil. Mótaðilar að framvirkum samningi semja um kaup og kjör samningsins sín á milli, en mótaðilar að framtíðarsamningi þekkjast venjulega ekki, heldur stunda þeir sín viðskipti í gegnum kauphöll (eða í gegnum miðlara sem hafa aðgang að kauphöll). Því eru framtíðarsamningar staðlaðir og þeir gerðir upp daglega til þess að tryggja öryggi. Annar mikilvægur munur á framvirkum samningum og framtíðarsamningum er sá að með gerð framvirks samnings er undirliggjandi eign oftast afhent í lok samningstímans, en framtíðarsamningar eru oftast gerðir upp á samningstímanum og því kemur ekki til afhendingar.

Einn karlmaður með engan hatt og þrír aðrir með hatta að drekka Tequila er ávísun á mikla skemmtun.

Saltbirgðirnar mínar eru reyndar af skornum skammti. Ágætur einstaklingur með hatt ákvað að innbyrða óhóflegt magn af heimilissaltinu mínu á laugardaxkvöldið.

XsunX hlutabréfin sem ég keypti fyrir viku síðan hafa hækkað um 30 %. Gaman og spennandi. Nánast jafn skemmtilegt og fylgjast með kanínu ýta sláttuvél.

Ég er kominn með sömu sumarvinnu og síðasta sumar, altso flugþjóna starfið hjá Icelandair. Þetta er drauma starf fyrir námsmann. Að gista á fimm stjörnu hóteli í Bandarískri stórborg þrisvar í mánuði og eiga heilan dag á Manhattan og leyfa sjálfum sér að týnast í mannfjöldanum á dagpeningum með smá þynnku frá kvöldinu áður þar sem maður skellti sér á góðan neðanjarðarrokkstað þar sem jaðarlist er framkvæmd. Töff. Svo er vaktavinna líka ótrúlega ljúf á sumrin.

EP of the week.

1. Uffie - Pop the glock (Sebastian remix)

Þetta er magnað fucking lag!

2. Gito Gito Hustler - Ichikoro love
3. Kavinsky - Testarossa autodrive
4. The egg - Walking away
5. Men without hats - The safety dance

Þessi mynd er örugglega tekin á góðu rave í Newcastle.

Nú er spúsan búin að fá sér myspace. Slóðin er www.myspace.com/frkra.


Möndul halli jarðar er áhugaverður, hann ákvarðar veðurfar og uppskeru jarðarbúa eftir staðsetningu þeirra á jarðkringlunni. Hann hefur samt sem áður lítið með jarðskjálfta að gera. Einn snarpur jarðskjálfi varð 7.7 km austur af Krýsuvík (crazy week eins og kaninn kallar hana) klukkan rúmlega 14:30 í gærdag. Höggið var gott og kveikti það mikin fréttaþorsta hjá mér. Ég ákvað að kveikja á sjónvarpinu og fylgjast með fréttaflutningi NFS, sem var prýðilegur. Fyrsta sem kom í hugann þegar skjálftinn reið yfir var staðsetning, hvar átti hann upptök sín ? Þar sem hann fannst vel á höfuðborgarsvæðinu hugsaði ég fyrst til Kleifarvatnssvæðisins, en einnig til suðurlandsundirlendis. Sem betur fer hafði ég rétt fyrir mér varðandi staðsetninguna, annars hefðu verið töluverðar náttúruhamfarir vegna þess hversu vel hann fannst á Bárugranda 3. Nú verður fróðlegt að fylgjast með Kleifarvatninu, hvort að vatnstraumur úr sprungu sem myndaðist í kjölfar suðurlandsskjálftans 17.júní 2000 muni aukast og fleiri lík eigi eftir að finnast í vatninu.


Nú voru upptök skjálftans mjög neðarlega í berginu og geta kvikuhreyfingar átt sér stað í kjölfarið og er því afar fróðlegt að fylgjast með framvindu mála. Gos á Bláfjallasvæðinu yrði svo sannarlega upplifun.

Ég og vinur minn Leifur vorum að kaupa hlutabréf í bandaríska fyrirtækinu XsunX. Ég keypti í gær á genginu 2.05 og Leifur vonast eftir því að sín pöntun verði framkvæmd í dag, en hann óskaði eftir hlutum á genginu 1.99, en lokagengi gærdaxins var 2.00. Þetta er býsna áhættusamt fyrirtæki og er á svokallaða "penny-market" í kauphöll bandaríkjanna og geta sveiflur þannig bréfa orðið mjög miklar. Til gamans má geta að ég byrjaði að fylgjast með þessu fyrirtæki í október og var þá gengi þess 0.4 og hefur það hækkað um 400%. Daxbreytingar eru oftast á bilinu -20% til 20%. Þið getið skoðað fyrirtækið nánar á heimasíðu þess, en þeir eru að koma fram með byltingakennda hugmynd varðandi byggingar og orkunotkun þeirra. www.xsunx.com.

I AM A FREAK. YES. SO HAIRY. LIKE LEE. LOOK !!!




















...þið getið smellt á myndirnar til þess að stækka þær og skoðað þennan óeðlilega vöxt á hári rétt undir fingurgómi litla putta á hægri hönd.