Atburðarás.

Laugardagurinn 16.desember.
Starfsmenn áhafnavaktar Icelandair hafa samband við mig og kanna hvort ég hafi áhuga á því að vera í Miami í þrjár vikur yfir jól og áramót. Þaðan flýg ég til Argentínu og Santa Cruz fyrir flugfélagið Bolivian Air. Áætluð brottför er á þriðjudagseftirmiðdagur. Ég tek boðinu.
Sunnudagurinn 17.desember.
Ég hef samband við Helga Skúla og afboða okkur í brúðkaupið hans á gamlársdag.
Mánudagurinn 18.desember.
Skötuhjúin halda "litlu-jólin" og opna þau jólapakka frá hvort öðru. Klukkan 23:00 er haft samband við mig frá Icelandair og mér tjáð að brottför er nú áætluð á miðvikudeginum.
Þriðjudagurinn 19.desember.
Miklir sviptivindar. Haft er samband við mig um kvöldmatarleytið, altso Icelandair, og í ljós kemur að verkefnið fellur niður. HINSVEGAR, er annað verkefni í bígerð. Nú er áætluð brottför á fimmtudaginn. Innihald verkefnisins er bækistöð í London í 2 vikur og flogið þaðan til Ghana og Suður Afríku. Svo fór A.I. til Denver Nuggets.
Í dag, miðvikudagurinn 20.desember.
Icelandair hefur samband við mig. Verkefnið er styttra en uppbrunanlega var talið. Brottför á morgunn og heimkoma 29.desember. Sem þýðir að launin fyrir að vera í burtu frá fjölskyldu og vinum um jólin verða þau sömu og andvirði hækkunar hlutabréfanna minna það sem af er desember mánuði. Þar sem ég er ekki skuldbundinn Icelandair sagði ég nei takk.

Fimmtudagurinn 21.desember.
Ég afturkalla afbókun okkar í brúðkaup Helga Skúla. Börn fara detta úr kynfærum of feitra kvenna. Það gerðist allavega hjá þessari. Þetta er gjörsamlega út í hött. Hvernig getur barn allt í einu dottið úr píkunni á þér?! Þú þarft að vera alvarlega veikur í heilanum til þess að átta þig ekki á þessu.

Lýsandi.

Ef þið eruð í einhverjum vandræðum með að finna jólagjöf handa mér þá er ég með eina mjög góða hugmynd. Við fyrstu sýn líta þessir skór út fyrir að vera ósköp venjulegir með smá keim af fyrri hluta tíunda áratugarins.



Við ýtarlegri skoðun á þessum strigaskóm kemur ponsu magnað í ljós, en til þess að sjá það þurfum við einmitt ekki ljós. Ástæðan er sú að þeir lýsa í myrkri!!! Hversu brjálæðislega tonsu madish er það!

















Að öðru.
Fyrir ekki svo mörgum árum skrifuðu fleiri en aðeins Haukur Örn á netsíðuna skuli.mis.is og var ég einn þeirra. Þar sem að styttist í forsetakosningar í Bandaríkjunum (11 mánuðir) og mikið hefur verið fjallað um val á forsetaframbjóðenda úr röðum demókrata og í þeim efnum hafa tvö nöfn helst borið á góma, Hillary Rodham Clinton og Barack Obama. Þau hafa hvorugt staðfest framboð sitt, en tveir aðrir sem ekki hafa verið í umræðunni hafa hinsvegar gert það. Allir eiga kannast við Hillary en færri vita kannski hver Barack er. Þess vegna langar til þess að endurbirta grein sem ég birti á skuli.mis.is þegar forsetakosningarnar fóru fram árið 2004 í BNA. Ég feitletra það sem ég er að leggja áherslu á. Gjörið svo vel.

5, nóvember 2004 | 14:32 | Birt
Barack Obama
Að eiga kettling er ekkert grín, en að eiga hest er sjálfsagt meira mál. Þó hafa hestar marga kosti framyfir kettlinga. Íslenski hesturinn er hvers manns hugljúfi og gæti ekki klórað af þér skinnið á handarbakinu. Aftur á móti gæti hestur orðið þess valdandi að þú verður öryrki, lamaður eða í dái ef þér mistekst að sitja á baki hans, dæmi: Cristopher Reeves, pabbi Keanu Reeves. En fyrst og fremst þá langar mig til þess að óska honum Friðgeiri, vini mínum, velfarnaðar á ferðalagi sínu um Indland. Hann á kannski ekki eftir að sjá mikið af íslenska hestinum, en hann á eftir að sjá mikið af fallegum kúum og þær skaða nú engan, enda af gulli gerðar því ekki værum við með sterkt bein ef það væri ekki fyrir þessar blessuðu kýr. Þið getið fylgst með honum hér (smellið á hér til þess að fylgjast með honum, samt ekki hér í sviganum heldur þar sem að orðið hér kemur fram í setningunni hér fyrir framan svigann). Ennfremur.

Eins og hvert mannsbarn hefur tekið eftir fóru bandarísku forsetakosningarnar fram aðfaranótt síðastliðins miðvikudags. Hverju mannsbarni ætti ennfremur að vera ljóst að George W. Bush var endurkjörinn til fjögra ára sem andlit Bandaríkjamanna út á við. Hann er því tákn lýðræðis næstu 4 árin. (Ekki veit ég um dýrahald George W. og mun því ekki fara nánar í þá sálma þó gaman hefði verið.) Talað hefur verið um að sigur Bush hafi verið afgerandi þrátt fyrir að úrslit hafi ekki verið ljós fyrr en Kerry viðurkenndi ósigur sinn síðdegis á miðvikudeginum. Ennþá er ekki vitað hvernig úrslit fóru í Nýju Mexíkó og Iowa fylki. Eru þar 12 kjörmenn sem er því óráðið hvernig munu skiptast á milli frambjóðenda, en það skiptir engu máli vegna þess að Bush hefur nú þegar náð þeim fjölda þingmanna sem þarf til þess að sigra í kosningunum og var lykillinn sigur hans í Ohio.
En afhverju tala menn um afgerandi sigur Bush þegar að kosningaúrslit voru ekki kunn fyrr en 18 tímum eftir að kjörklefar lokuðu? Ýmsar ástæður liggja þar að baki. Til dæmis má tala um fjölda atkvæða á landsvísu, en Bush var með 51% á móti 48% Kerrys. Hinsvegar skiptust fylkin á nákvæmlega sama hátt á milli frambjóðenda í þessum kosningum líkt og árið 2000 þegar Al Gore var frambjóðandi Demókrata, að New Hampshire undanskyldu, en demókratar sigruðu þar í ár en töpuðu árið 2000, en vægi fylkisins eru einungis 4 kjörmenn. Það hefði hinsvegar dugað árið 2000. Þar af leiðandi eru eflaust margir sem spyrja sig þeirrar spurningar: Afhverju sigraði þá ekki Kerry fyrst að demókratar unnu New Hampshire þegar að Bush sigraði Gore með einungis fimm kjörmanna mun árið 2000??? Ástæðan er sú að (það eru bara skiptinemar hér á tölvustofunni í Lögbergi, þeir virka líka allir svo..., svo, hlýlegir?) vægi fylkja hefur breyst á þessum 4 árum. Til að mynda fjölgaði kjörmönnum í Florida um 2 líkt og í Texas og fleiri ríkjum þar sem að Bush sigraði og það dugði honum.
"Ohio, Ohio, Ohio Ohio...", sagði Dan Rather á CBS sjónvarpstöðinni frá kl.04 til kl.0730 þegar að RUV fávitarnir slökktu á útsendingunni frá CBS. Þá fór ég í vöggu mína, með enga vitneskju um það hvernig kosningarnar fóru. Mér leið afleitlega. Alveg eyðilagður. Enda búinn vaka yfir kosningunum í 8 klukkutíma.En þó voru ein gleðitíðindi sem glöddu mig. En það var að Barack Obama var kjörinn á þing fyrir Illinois fylki (California, Texas, New York, Florida og illinois eru 5 stóru fylkin). Barack Obama er 43 ára og sonur blökkumanns frá Kenýa og hvítrar konu frá Kansas. Hann sigraði frambjóðanda repúblikana, Alan Keys, íhaldssaman blökkumann. Hann verður ennfremur eini blökkumaðurinn í öldungadeildinni og bið ég ykkur um að leggja þetta nafn á minnið því hann á eftir að verða frægur þessi.. Mr. Richard Hatch er að byrja með þátt sem heitir Survivor live.

Hér er svo hlekkur á þessa forlátu skó sem eru efstir á óskalistanum mínum fyrir þessi jól.

Hugsanlega hefur HANN orðið fyrir geislun. Það er eina sem mér dettur í hug sem getur útskýrt þessar hreyfingar. Kannski er líklegra að þau hafi ÖLL orðið fyrir geislun, en mismikilli. Höfum það hugfast að þrátt fyrir að Chernobyl sé í Úkraínu (ekki Úkraníu, eða Úkraníju, eins og Hemmi Gunn talaði ótt og títt um í þætti Guðna Bergs) þá urðu Hvít-Rússar fyrir margfallt meiri skaða af völdum kjarnorkuslysins heldur en Úkraínar sökum vindátta þennan tiltekna dag 1986.

MUSICMUSICMSUCIMSICUMSICMUSCMSICMUSCMSUMCMMUSIUCMSICUMSUCMUSMCUISMCUSMCUISMCU!!! Skatebard - Love Attack.

EINAR BALDVIN: Athugaðu þetta elsku vinur. Infants(mynd). Frekar fínt band. Hér er MP3.

Ég hef aldrei heyrt um þetta band, Peru, en þetta lag er frekar sweeeeet. Kom út árið 1983. Sætir synthar, mjúk melódía og gott grúv. Gaman að segja frá því að á breiðskífu sem þessi hollenska sveit gaf út árið 1988 er lag sem ber nafnið ICELAND.

Þessi María er nú svolítið geðveik, það ætti að brenna hana á báli.


Aðeins í lokin, þá er langar mig að deila með ykkur þessu myndbandi. Þetta er svo yndislega hallærislegt að ég veit ekki alveg hvort ég eigi að hlægja eða gráta. Sumir muna eftir þessu, aðrir ekki. Þetta var frumraun Albana í Eurovision.

Íþróttafréttamenn.

Athugasemd Arnars Björnssonar varðandi möguleika Inter í riðlinum sínum: "Til þess að ná efsta sætinu í riðlunum þurfa leikmenn Inter að hafna í fyrsta sæti."

Í alvöru talað ! Ég hafði ekki hugmynd um þetta.

Hinsvegar,
blöskraði mér ummæli Loga Ólafssonar í seinni hálfleik í leik Barcelona og Werder Bremen (man ekki hvernig þetta hljómaði nákvæmlega, en eitthvað á þessa leið): "Já, hér kemur Thuram inn á, þeir fengu hann á brunaútsölunni hjá Juventus. Það mætti segja að hann hafi bókstaflega verið á BRUNAútsölu...".






Þetta er Lilian Thuram fyrir ykkur sem ekki vitið hvernig hann lítur út.








Altso sótsvartur.

Ég tel mig vera með góða skynjun á smekklegheit, stíl og tísku og finnst jafnframt skemmtilegt að fylgjast með flestu sem við því kemur. Samt er ég ekki hommi. Ég tek það aðallega fram vegna þeirrar staðalímyndar sem fylgir karlmönnum sem þora að sinna áhugamáli sínu með ólíkum fatastílum. Fataleiðangrum mínum innanlands hefur fækkað umtalsvert með tilkomu eBay og auknum utanlandsferðum. Svo tæmist sparibaukurinn fljótt ef ég ætla að endurnýja fataskápinn eingöngu með því að versla hér á landi.
En það sem mér þykir ofboðslega leiðinlegt varðandi flesta Íslendinga er einsleitnin. Hverjar skyldu vera ástæður þess? Lítið úrval af ólíkum klæðum gæti verið ein ástæðan. Önnur gæti verið sú að við erum mjög fámennur hópur og þ.a.l. er of auðvelt að skera sig úr fjöldanum með óvenjulegum klæðaburði. Hér gæti ég átt við einskonar spéhræðslu vegna þess að þjóðfélagið samþykkir ekki þessa frávikshegðun sem lýsir sér með óvenjulegum klæðnaði. Það er kannski ekki skrýtið að í stórum borgarsamfélögum myndast allar gerðir þjóðfélags- og menningarhópa því sama hvernig þú ert útlítandi, þá hverfur þú í hafi fjöldans. Svo má ekki gleyma því að "öðruvísi" er ekki velkomið á Íslandi, sbr. fylgisaukning Frjálslyndaflokksins í síðustu viku og að íhaldssamasti flokkur Evrópu hefur verið við stjórn á Íslandi stanslaust síðan 1991.

Tískumyndablogg hafa verið að sækja í sig veðrið upp á síðkastið og hér eru nokkur skemmtileg, ásamt hlekk á síðu sem ætti að sýna efasemdamönnum að mínar hugmyndir varðandi rauðbleikar buxur eru ekki úr lausu lofti gripnar.

Rautt!

Skemmtilegustu borgirnar (sleppi TokYo af augljósum ástæðum):

Moscow
Helsinki
London
Stockholm
Shanghai

Eitt orð:
TÖFF!


Það reyndist mér erfitt að fylgjast með leik 76ers og NJ Nets áðan sökum kattar.