Few pics from San Fran:













Svo mæli ég með því að kíkja á fréttir kl.20, 21 eða 22 á NFS þar sem að sumarafleysingarfólk reynir sitt besta við að koma helstu fréttunum til skila með misjöfnum árangri. Hóst, stöm og mismæli eru algeng.

Hér er hægt að veðja á ýmislegt varðandi Maradona fyrir leik Þýskalands og Argentínu. Þið þurfið að skrolla neðst til þess að sjá það.

Takið frá laugardaginn 8.júlí. Við ætlum að reyna halda teiti að Sólvallagötu 27. Reddið ykkur fríi í vinnunni eða geymið útilegu hugleiðingar þar til síðar og mætið með góða skapið!

Nokkrir skemmtilegir punktar frá Svala:

"Hér er boðið uppá Iðnaðartroð!"
"Hann er eitthvað búinn að fá sér í tána myndavélamaðurinn"
"Þeim vantar augljóslega meiri safa"
"Mourning er klárlega ekki með neinar ristruflanir"
"Hér eru engar ristruflanir"
"Hann er aðvelta af gleði"
"Ef þeir vinna sendið honum skeyti"
"Tökum auglýsingar komum svo aftur, upp með sokkana!"

Munurinn á liðunum var sá að aukaleikararnir stigu upp fyrir Miami í lokaleiknum, Walker, Posey, Mourning og Haslem. Vörn þeirra og mikilvægar körfur gerðu það að verkum að Miami sigraði einvígið, sérstaklega Haslem, hann át Dirk í vörninni og hirti mikilvæg fráköst í sókninni og skaut 8/11. Reynsluleysi leikmanna Dallas og þjálfara hafði töluverð áhrif. Einnig skein stórstjarna Wade skærar heldur en mótleikara hans í Dallas liðinu, Dirk.
En hver gefur á Dampier þegar 20sek eru eftir ? Furðulega ákvörun í meira lagi.

Ég verð samt að samgleðjast með Alonso, það er ekki annað hægt. Hinsvegar fara Payton og Walker óendanlega mikið í taugarnar á mér. Á móti kemur að Wade er fáranlega töff og þ.a.l. get ég alveg sætt mig við þetta.

Hér er sungið af innlifun á meðan suðurríkjablökkumenn syngja um olnbogakast. Á níunda áratugnum í Lundúnum sameinuðust ungir innflytjendur í söng til þess að eiga fyrir vatni og brauðmola, en þeir þurftu meira en einn hljóðnema og enginn veit hvar þeir eru niðurkomnir í dag. Hversu mikið ætli tíðni brotina Heineken glerflaxna hafi aukist eftir að þetta myndband var gefið út ?


Poney part 1. Komin lítil læða á heimilið hér að Bárugrandanum, kettlingar skjáta. Nokkrar myndir.

HM spá þegar síðasta umferðin í riðlakeppninni er eftir:

16 liða úrslit.
Equador - Sweden 1
Argentina - Mexico 1
England - Germany 2
Portugal - Holland 1
Italy - Australia 1
Switzerland - Ucrane 1
Brazil - Cezchy 1
Elspanja - Francois 1

8 liða úrslit.
Equador - Argentina 2
Italy - Switzerland 2
Germany - Portugal 1
Brazil - Spain 2

Undanúrslit.
Argentina - Switzerland 1
Germany - Spain 2

Leikurinn um 3.sætið.
Switzerland - Germany 2

Úrslitaleikur.
Argentina - Spain 1


Hinsvegar, ef einhver annar væri að þjálfa Franxa landsliðið sem hefði þor í að gera Henry að aðalleikmanni þar þá færu þeir alla leið. ZZ er einfaldlega búinn að toppa, fyrir 8 árum síðan. Luis Saha, Ribery og Henry í framlínunni, en það verður ekki þannig, því miður, og Argentina eða Spánverjar verða heimsmeistarar.

Hvernig kemur það út ef ég kaupi P2 í USA, Gauti ?

í Fréttablaðinu í gær var auglýst eftir GoGo dansara í smáauglýsingadálki. Þú þarft að vera 18+.

Ég flaug til Osló í vikunni. Gríðarlega fallegt landslagið í aðfluginu til Osló. Það er hinsvegar skemmst frá því að segja að um borð í vélinni var ung kona, dönsk. Þegar farþegar gengu frá borði gékk hún upp að mér og sagði: "This is not Stockholm?!". Hún hafði farið um borð í vitlausa vél og ekki áttað sig á því fyrr en hún gékk frá borði, þrátt fyrir að við hliðið í Keflavík hafi staðið stórum stöfum á skjá "OSLO" og aðallega norskumælandi einstaklingar í sætum við hliðina á henni, einnig ávarpaði flugstjórinn farþega tvívegis á ensku um að við værum að fara til OSLO og einnig um veðurskilyrði þar. Svo fór flugfreyja með "velkominn um borð í flug FI-XXX til OSLO" á íslensku, ensku og NORSKU. Hvernig ferðu að því að fara í vitlausa vél ?! Þú skoðar sjónvarpsskjá með upplýsingum varðandi brottfarartíma flugsins, aha, STOCKHOLM - DEPARTURE 07:45 og svo athugar þú frá hvaða hliði vélin fer, aha, STOCKHOLM - GATE 11. Þú kemur svo að hliðinu og þar er einnig stór sjónvarpsskjár sem á stendur OSLO - GATE 14 - BOARDING - DEPARTURE 07:50. Þar tekur áhafnarmeðlimur á móti þér og rífur af miðanum hjá þér (þarna hefði fluffan átt að taka eftir því að á miðanum stæði Stokkhólmur). Svo gengur þú um borð og hlustar á tvö ávörp varðandi áfangastað áður en haldið er af stað. Þú þarft að vera verulega sofandi eða virkilega heimskur ef þú átt að geta komist um borð og farið alla leið á vitlausan áfangastað án þess að taka nokkuð eftir því fyrr en þú gengur frá borði og finnur norska olíufnykinn.

Við fáum afhent Sólvallagötuna 1.júlí og má þá reikna með góðu party (svo lengi sem ég verð í fríi) þar sem að áfengið (tollurinn) flæðir um allt. Ætlunin er að halda party áður en við flytjum í tómri íbúð.

Já.



Þetta er blogg 301. Mér finnst það vera til framdráttar. Jafnvel framsækið. Svona eins og Halldór Ásgrímsson. Tekur á sínum vandamálum og finnur..., nei, hann mátti ekki vera með, sem varð til þess að það eina sem Halldór uppskar var klofningur. Þar sem smákóngar og stórbændur berjast innbyrðis sem leiðir til minnsta fylgis í sögu flokksins í næstu kosningum, minna en ef Háxi hefði haldið áfram. Á öðrum degi hvítasunnu varð Halldóri svo sannarlega á í messunni.

Talandi um trú. Í kvöld eru tónleikar til heiðurs djöflinum. 666. 06.06.06. Helvíti mun teygja sig í átt að Laugardalshöllinni og eldhnettir munu rigna þar yfir.

Blogg 300.

Þetta er 300 (þrjúhundruðasta) bloggið sem er fært inn á þessa síðu.

Það var vissulega hugguleg sjón sem við mér blasti er ég tók á móti farþegunum er þeir gengu til borðs í flug 590 (fimmhundruðognítíu) frá Keflavík í morgun. Hjörtur Örn Hjartarson gékk fremstur í flokki og á eftir honum komu hin smávöxnu (í samanburði við HÖH) og keimlíku mæðgin Hrefna Hrólfsdóttir og Hjörtur Hjartarson. Mig grunaði ekki gvend. Áður en þau gengu um borð í TF-FIK var stór hópur frá ferðaþjónustu bænda búinn að koma sér fyrir á víð og dreif um vélina, en þó eftir reglum innritunarborðs. Þessi hópur skar sig úr því þau voru á aldrinum 65+ (sextíuogfimm ára og eldri) og báru öll barmerki með logo-i ferðaskrifstofu ferðaþjónustu bænda ásamt nafni þeirra handskrifuðu fyrir neðan. Sem aldrei fyrr kláruðust whiskey og cognac titlingarnir af börunum okkar á flugleiðinni og gamla fólkið brosti sínu breiðasta á vit ævintýranna á meðan H-in 3 (þrjú) sváfu mestan part ferðarinnar. Við lentum á Mpensa flugvellinum í Milano þar sem útsýnið til Ítölsku norður-alpanna er einstakt. Við félagarnir kvöddumst og óskaði ég honum og hans nánustu góðrar vistar á ítölsku ríveríunni.
Nú er ég kominn í tveggja daga frí og bíð alls ekki spenntur eftir því að vakna kl.0315 (korter yfir þrjú) á þriðjudaginn og fara 3 (þrem) tímum síðar í loftið með hóp af okkar kæru landsmönnum sem halda í skipulagðri pakkaferð til Portúgal og þau fá ekki dropa af gosi ókeypis hjá mér vegna þess að þetta er leiguverkefni á vegum fyrirtækisins míns fyrir úrval/útsýn og +ferðir. Mikið ofboðslega er Þorgerður Katrín kynþokkafull.

Nú er búið að finna upp nýtt orð fyrir klíkuskap og spillingu. Það kallast að vera með "gott tengslanet" þegar þú ert flæktur í svikavef spillingar og óréttlætis. Ég verð samt að taka hattinn ofan (þó svo að hatturinn minn er önnum kafinn í Garðabænum við félagslegar athafnir, enda skiptir það engu máli, ég ætla mér ekki að framkvæma þessa athöfn heldur er þetta einungis orðatiltæki, en ekki athöfn sem mun eiga sér stað) fyrir Úlfari vegna þess að með hans eitursnjalla hugareikning þá tókst honum og liðsmönnum KB banka að brjóta upp krosseignatengsl á milli KB banka og bakkabræðra. Í kjölfarið mun markaðurinn taka við sér næstu mánuði og komast í svipaðar hæðir og hann var í lok febrúar.

Í þessum mánuði er ég með 7 morgunflug (pick up kl.06), 1 næturflug (pick up kl.04) og 2 bandaríkjaflug og annað þeirra með tveggja nótta stoppi, en hitt venjulegt með einnar nætur viðdvöl á hóteli. Lengra BNA-flugið er 9 klukkutíma flug til San Fransisco, hitt er til Minneapolis/St.Paul þar sem að stærstu verslunarmiðstöð Bandaríkjanna er að finna. Einnig getur þú gengið um miðborgina án þess að fara útúr húsi vegna þess að öll háhýsin eru tengd saman með loftbrým/brúm/brúum/brjám/youcatchmymeaning. Ástæðu þess má rekja til fimbulkulda um veturinn og ef þið munið eftir Fargo þá gerist hún alls ekki langt frá tvíburaborginni Minneapolis/St.Paul, en það var MJÖG kalt í þeirri mynd. San Fransisco heimsæki ég fimmtudaginn 22.júní og kem heim sunnudaginn 25.júní. Built to Spill eru með tónleika föstudaginn 23.júní í SF, ég er með það uppi í erminni.

Hvar setur þú mörkin varðandi lýsingar á atburðum eða verknaði ? Ég fór að velta þessu fyrir mér þegar ég var að hugsa með heilanum og varð svo svangur í maganum og fór þá aftur að hugsa með heilanum um hvað ég ætti að borða með munninum og tyggja með tönnunum og kyngja með hálsinum. Þá ákvað ég að kíkja inní ísskáp með augunum og taka út smjörið sem er unnið úr mjólkurafurðum og strokkað í nýstárlegum tæknivélum sem eru búnar til af vélaverkfræðingum sem hafa farið í gegnum háskólanám eftir að hafa lokið menntaskólaprófi og grunnskólaprófi. Ég tók út smjörið með hendinni sem er föst á líkamanum og ég færði smjörið úr ísskápnum sem er 13 gráður á celsíus kvarða og það sem einkennir celsíus kvarðann er að H2O frýs þegar kvarðinn fer niður fyrir 0 (núll) og einu sinni fyrir langa löngu þá var núll ekki til sem fær mig til þess að hugsa með heilanum og horfa í kringum mig með augunum sem senda boð til heilans um hvað augun sjá og nefið sendir einnig skynjanir til heilans um hvaða lykt það finnur en Finnur er karlmannsnafn og mun ég ekki skýra son minn Finn (sonminnfinn) ef ég skyldi eignast son með getnaði...

Í styttra máli: Ég held á smjörinu.
Því miður þá felst ekkert skemmtanagildi í þessari setningu né viska eða heimspekilegar athugasemdir og þ.a.l. spyr ég aftur, hvar dregur maður mörkin ?