-- information concerning the safety of dancing -- LE BLA AVEC LA DANSE
ATTENTION: Your security is our aim. With or without hats, we try to make our readers feel welcome. From the mists of downtown Reykjavik we hype tunes that can make our society a safer place.
Somebody, or more specifically, our own government tried to cover up a huge mistake with a single hat. They believed that matters would be safer and not brought to the attention of the public if a hat was worn properly. But we do remind you, hats can sometimes turn against you when they are not worn at the right occasions or not worn correctly, as in this case. As we have demonstrated hats are only meant for dancing, otherwise they are completly useless or a threat to society. Our government assigned this specific hat to a twisted individual so he could continue to help people finding their right path at the expense of tax payers. Unfortunately, the individual took full advantage of the hat, used it numerously WITHOUT dancing and then violated it in a BDSM style.
Here below this individual is enjoying the flashlights from the paparazzies while the mis-treated hat is hanging in the back!
As we all know the hat turned against his former owner and went for vengence. Now this individual will probably be accused of fraud and sexual hatharrasment.
Breidd umræðunar á þessum umrædda vef nær frá fjöru til fjalla og alls staðar er drepið niður fæti. Hún nær það langt inn til sveita að gera hispurslaust gys að fólki sem hefur þann sið að nota vinstri hönd sína til þess að setja á sig hatt. Jaðrar við fordóma og einelti. HLEKKUR.
Hér má sjá að Ashanti hefur sett öryggið á oddinn. Væntanlega vegna góðs árangurs í samstarfi sínu við hinn sjöunda Aurelius.
Icelandair semur um nýtt afþreyingarkerfi og ný sæti í flugvélaflota sinn.
29.01.2007 10:07 Að sögn Jóns Karls Ólafssonar forstjóra Icelandair Group og Icelandair er um að ræða tímamótasamninga fyrir félagið. "Í þessum samningum er staðfest ákvörðun um algjöra endurnýjun á öllum innviðum Boeing 757 flugvélaflota okkar og einnig skýr yfirlýsing um að Icelandair ætlar að vera flugfélag í fremsta gæðaflokki þegar kemur að þjónustu um borð og upplifun farþega. Þessi kaup hafa verið lengi í undirbúningi og gert ráð fyrir þeim í áætlunum félagsins." Að sögn Jóns Karls er Icelandair með þessum samningum að marka sér stöðu í alþjóðafluginu. "Við fljúgum á tiltölulega löngum flugleiðum, flest okkar flug eru 3-5 klukkustunda löng. Við sjáum þróun í flugheiminum í þá átt að fólk vill hafa eitthvað fyrir stafni á svo löngum leiðum og við sjáum í því mikil viðskiptatækifæri og samkeppnisforskot. Við ætlum okkur að vera í fararbroddi flugfélaga í því að bjóða upp á hagstæð flugfargjöld og þróa um leið arðbæra starfsemi í tengslum við afþreyingu, verslun og þjónustu við farþega okkar." Skemmtikerfið sem sett verður í vélar Icelandair, Thales IFE i4500, byggir á því að allir farþegar hafi í sæti sínu aðgang skjá og stjórnborði þar sem þeim bjóðast margskonar afþreyingarmöguleikar. "Við erum með samningnum að tryggja okkur vélbúnað og hugbúnað sem við getum þróað til framtíðar til að sinna óskum og þörfum viðskiptavina. Nú sjáum við fyrir okkur að hver farþegi hafi aðgang að og geti valið sér fjölda nýrra kvikmynda, sjónvarpsþátta, tölvuleikja, tónlist og einnig bækur og annað lesefni. Auk þess sem tæknin býður upp á að farþegar geti keypt tónlist, aðrar stafrænar vörur eins og tölvuleiki og pantað ýmiskonar vörur og þjónustu á áfangastað. Jafnframt því sem þeir geta fylgst með fluginu og fengið upplýsingar um flughafnir, komu og brottfarartíma og margt fleira. Sumt af þessari þjónustu verður farþegum að kostnaðarlausu, en við sjáum í þessu skemmtikerfi einnig umtalsverða tekjumöguleika fyrir félagið ", segir Jón Karl. Nýju sætin frá Aviointerios, af gerðinni Andromeda og Centaurus, eru framleidd með nýjustu aðferðum og úr nýjum efnum. Þau eru léttari, sterkari og fyrirferðarminni en núverandi sæti og veita farþegum því meira svigrúm og þægindi. Sætin og skemmtikerfin verða sett í allar Boeing 757 farþegaþotur Icelandair sem notaðar eru í áætlunarflugi félagsins. Endurnýjunin hefst í haust og lýkur vorið 2008.
Aukin þægindi og tímabærar breytingar. Kannski full mikil nostalgía að sýna öryggiskerfið í sumum vélunum á VHS myndbandstæki.
gæti reynst erfitt að komast af í 49.daga með einungis 58.399 kr. fyrir tvo aðila. Þetta er niðurstaðan eftir að hafa dregið allan fastan kostnað frá. Fastur kostnaður er meðal annars afnotagjöld sjónvarpsins, orkureikningur, líkamsræktarkostnaður, fasteigna- og húsfélagsgjöld, holræsisskattur, sparnaður, símareikningur, skólagjöld, vaxtagjöld til foreldra og síðast en ekki síst íbúðarlán. Tekjur sem við fáum inn eru launatekjur Fríðu frá Adams í Smáralind (vinnur 3 daga í viku, launatekjurnar mínar frá Hagstofunni (vinn aðra hverja helgi og einn virkan dag aðra hverja viku) og svo leigutekjur.
Þannig er mál með vexti að leigjandinn okkar hefur ekki staðið í skilum fyrir janúar mánuð. Lögum samkvæmt á að borga leigu fyrsta hvers mánaðar. Hinsvegar hefur leigjandinn viku frest frá gjalddaga til þess að greiða með tilfallandi vöxtum. Ef hann hefur ekki greitt fyrir það þá getur leigusali sent honum áskorun um greiðslu ellegar mun leigusali rifta samningum. Við sendum honum þessa áskorun á þriðjudaginn. Næsta þriðjudag, ef hann hefur ekki efnt skyldur sínar, þá munum við rifta samningum og óska eftir því að rými húsnæðið þegar í stað. Ef hann gerir það ekki getum við óskaði eftir útburði án dóms, sem er frekar nice.
Ég lét tjéðan leigutaka skrifa undir víxil í upphafi og var það ætlað sem öryggisnet fyrir mig ef til þess kæmi að hann myndi ekki borga. Á þriðjudaginn ætla ég að leysa hann út. 303.000 kr. Hinsvegar samkvæmt lögum þá er hann skuldugur til þess að standa við samninginn og borga leigu út leigutímabilið sem endar í lok maí, þannig að hann ætti í raun og vera að borga mér 505.000 kr. sem eru þær leigutekjur sem ég missi vegna vanskila hans. Þó er tekið fram í húsaleigulögunum að um leið og ég finn aðra leigjendur þá hef ég ekki lengur tapað leigutekjum og hann ekki lengur skuldbundinn til að standa við samninginn.
Kannski að ég þurfi að finna mér lögfræðing til þess að keyra málið í gegn og ef ég vinn málið þá hlýtur hann að þurfa greiða hluta ef ekki allan lögfræðikostnaðinn. Lögfræðingar eru fáranlega dýrir. Ég hef aldrei séð lögfræðing með hatt. Hinsvegar, tökum gott PES í kvöld.
Hvað er málið með Svía? Þeir geta allt. IKEA og H&M eru á meðal stærstu vörumerkja heims. Sænskar stelpur eru taldar þær fallegustu í heimi. Og svo er það tónlistinn. Slagsmalsklubben, Love is All, Bob Hund, Evróvisjón lögin þeirra, Basshunter, Peter Bjorn & John, Hello Saferide, I´m from Barcelona, Jenny Wilson, Tomas Brolin, Jens Lekman, José Gonzales, The Knife, Hakan Hellstrom, Lo-Fi-Fnk, Suburban Kids with Biblical Names, El Perro Del Mar og Frida Hyvonen. Svo eldri og stærri nöfn: Cardigans, Hives, Abba, Kent, The Wannadies og Björn Borg.
Sally Shapiro er girnileg ábót í þessa sænsku flóru.
Þetta lag er úr myndinni Underground eftir Emir Kusturica, þann sama og gerði Black Cat White Cat sem er NB með yndislegt sándtrakk. Hér er sungið um rússann Kalasnjikov sem hannaði riffilinn AK-47 árið 1947 og hóf framleiðslu á AK-47 Vodka árið 2004.
-Það er ódýrt að tala vegna þess að framboðið er meira en eftirspurnin.-
Í veikindum er ekki margt hægt að gera annað en að læra og láta upgrade sig sem vaktstjóra á Hagstofunni. Einnig er hægt að google fræga einstaklinga sem eiga afmæli sama dag og þú. Samt frekar leiðinlegt að krækja sér í flensu eftir fyrstu helgina í 5 vikur sem þú skellir þér ekki niður í bæ, yfirleitt er nefnilega hægt að kenna áfenginu um þegar maður hefur ekki nægt vit til þess að minna sjálfan sig á að mikill kuldi gæti haft kvefpest í för með sér. Annað sem gefur lífinu lit í veikindum er joytobe. Raxt á þetta, eftir tilmæli frá svila mínum.
Þetta er reglulega fyndið! Nei, þetta er fáranlega fyndið!!! Japanar... það er ekki annað hægt en að elska menningu þeirra.
HINSVEGAR, þá fæddist Jessica Alba nákvæmlega sama dag og ár og ég. Sem er frekar nice.
Ég nota eBay þónokkuð til þess að fjárfesta í hinum ýmsa varningi. Stundum mistakast þær fjárfestingar líkt og afleiðuviðskipti kaupsýslumanna. Hér er eitt dæmi um misheppnuð kaup. Ég fann þessa líka skonsu hettupeysu með trjámynstri hjá einum seljandum á uppboðssíðunni. Hún var afar smekkleg á sýningarstráknum sem klæddist henni. Því ákvað ég að kaupa hana, enda kostaði hún ekki marga skildinga. Rétt fyrir jól kom hún til Íslands. Mér til mikillar skelfingar þá er hún alltof stór á mig. Hinsvegar býr hún yfir einu furðulegu en jafnframt skemmtilegu sérkenni eins og sjá má hér á myndinni.
Pa Ris.(sniðugt nafn að nýjum hrísgrjónarétt?)
Mikið hefur verið fjallað um hina ómerkilegu Paris Hilton undanfarin tvö ár án þess þó að hún hafi nokkuð til brunns að bera til þess að verðskulda slíka athygli. Tónlistarmenn eru ekki undanskyldir Parísaráhrifin og hafa þeir samið texta og lög með innblæstri frá París. Í flestum tilfellum eru þeir að gera lítið úr því sem París stendur fyrir, altso lágmenningu og sjúklegu skemmtannalífi.
CSS eru frá Sao Paulo, Brasilíu (annað en Brazilian Girls sem eru frá New York og eru lame). Ég keypti mér plötuna þeirra, Þreytt á því að vera kynþokkafull, (Cansei De Ser Sexy)síðasta sumar af Insound.com og var núna fyrst að setja hana í plötuspilarann, sem er ponsu lame. Hinsvegar er þetta kjörin tónlist til þess að lyfta sér úr skammdeginu. Blanda af Le Tigre og Peaches, mjög kynþokkafullt. Alala er gott dæmi um þetta.
"...Meiðsli Chilebúans Marks Gonzales eru ekki eins alvarleg en hann skaddaðsit á sköflungi í fyrri hálfleiknum gegn Arsenal í gærkvöld og skipti Garcia við hann." -Af www.mbl.is/
Haukur Örn. Ég hvet þig til þess að fylgja draumum þínum.
Deili af mér eða deili með mér nú eða mæli af mér, þó ekki mæli með mér, ekki enn sem komið er, kannski síðar meir ef dæmið gengur upp.
Ég hef ákveðið að draga stórlega úr djammi. Taktu því rólega, þetta er ekki forkastanleg setning, því síður. Ég hef verið ákaflega duglegur við djamm iðjuna undanfarnar vikur og mánuði. Hvað felst í því að draga stórlega úr djammi? Fyrst þurfum við að skilgreina djamm í grófum dráttum. Í djammi kemur saman óhófleg áfengisdrykkja og eyðsla tugum hundruða króna á skemmtistöðum. Einnig telst til djamms að vera alltof lengi á skemmtistöðunum. Markmið mitt er að fara einungis einu sinni í mánuði á slíkt djamm. Þetta er verðugt markmið og von mín er sú að ég nái að framfylgja því. Nei, Fríða er ekki ólétt. Er ég þá einungis til taks einu sinni í mánuði? Nei, það er ekki svo, höldum áfram með skilgreiningu á djammi. Ég tel mig EKKI vera að djamma ef ég er kominn heim fyrir klukkan 01:30. Þá nýtist morgunninn eftir í lærdóm sem hefur farið afvega síðustu ár sökum óskipulags og óskapnaðar. ERGO, ég má drekka óhóflegt magn áfengis með kunningjum og meisturum til kl.01:00, en þá þarf ég að koma mér heim samkvæmt yfirlýstu markmiði. HINSVEGAR, þá reglu þegar djammið fer fram þá verð ég að vera kominn heim fyrir kl.04:00. Eftir það eru einungis ómenni og leppalúðar í miðbænum og 800% hærri líkur á því að verða drepinn en fyrir klukkan 04:00. (Líkurnar á því að komast lifandi heim minnka stórlega eftir kl.04:00 úr 0.01% í 0.09%.)
Ástæða þessarar ákvörðunar er sú að gera framtíðarsýn mína skýrari og bjartari með því að gefa háskólanum meiri gaum (vanmetið orð, gaumur). Framtíðarásjónin er að útskrifast úr þessum blessaða Háskóla sem ég hef verið viðriðinn síðustu 5 ár án þess að afreka neitt. Ef ég geri ekki eitthvað núna þá verður ekkert úr mér (flugþjónninn er ekki starf til framtíðar) og þetta er fyrsta skrefið, að skipuleggja vikuna og setja sér skilyrði og markmið. Ég vil þó ekki meina að þessi 5 ár hafi verið til einskis. Hefði ég útskrifaðst á “réttum tíma” árið 2004 þá ætti ég ekki þessa meistara sem ég á sem vini í dag og gæti ekki neitt í PES (það er svo gefandi að geta gefið fallega sendingu eða skorað mark í PES). Eins og stundum er sagt þá geta góðir vinir (eða meistarar) gert kraftaverk. Einnig er hægt að tala um að ekki sé hægt að kaupa sér góða vini, nú eða meistara. Einnig hefði ég ekki náð mér í þennan kvennkost sem mun verða lífsförunautur minn, hana Fríðu Rakel, en hún er gull af manneskju. Faðir minn hefur sagt við mig að með hverju árinu sem ég “klúðra” þá tapa ég milljónum krónum. Gefum okkur að ég útskrifst 2009 í stað 2004 þá hef ég eytt 5.000.000 kr. í rugl samkvæmt skilgreiningu hans Hansa. Hinsvegar veit ég að peningar geta ekki keypt hamningju og það á vel við í mínu tilviki, ég er hamingjusamur og búinn að koma undir mig fótunum að undanskildri skemmtilegri vinnu. Hinsvegar hefði ég vel getað verið frískur vinur og verið dýrið og klárað námið í ár og eytt einungis 3.000.000 króna í stað 5.000.000 króna í slufsa hátt. Þannig að, það eina sem mig vantar í dag er eitthvað sem 50% af íslendingum hafa ekki, viðskiptafræðigráða.
Eins og leikmönnum er kunnugt þá hef ég ferðast deildana á milli í háskólanum og er núna kominn að þeirri niðurstöðu að mínir kraftar njóta sín best í kringum hlutabréf, peninga og tölur, altso í viðskiptafræðideild með áherslu á reikningshald. Ég virðist hafa brennandi áhuga og tilfinningu fyrir þessum hlutum. Ég get ekki breytt því sem ég er. Ég hef forðast þessa staðreynd síðustu ár sökum þeirrar ímyndar sem viðskiptafræðingar hafa á sér. Viðskiptafræðingar hafa engan smekk og aðhyllast lágmenninguna og trúa því statt og stöðugt að U2 sé besta hljómsveit allra tíma. Þetta er ein af frumástæðum þess að ég hef forðast viðskiptafræðina þrátt fyrir að vita að kröftum mínum er best varið þar. Grunnhyggja samnemenda minna á tímabilinu 2001-2003 þegar ég var í viðskiptafræði fældi mig burt. Ég fór í landfræði. Þar naut ég mín ekki þrátt fyrir áhugavert fag, en ég gat ekki fengið mig til þess að flokka mold og steindir heilu og hálfu dagana. Þaðan hélt ég í hagfræði. Þar skorti mig aga til þess að geta haldið áfram og einnig meiri kunnáttu í stærðfræði. Svo á síðustu önn ákvað ég að fara í félagsfræði. Kannski vegna fyrirlitningu á hinu kapítalíska þjóðfélagi. Ég hafði gagn og gaman af þessari veru minni í félagsfræði, en mér dauðleiddist. Þó lærði ég þar að andúð mín gagnvart kapítalismanum tengist fyrst og fremst Bandaríkjunum og spillingu stórfyrirtækja og stjórnmálamanna þar í landi og er sú spilling langt í frá samanburðarhæf við hið íslenska og evrópska viðskiptaumhverfi. svo að... nú er ég búinn að fara hring. Byrjaður aftur í viðskiptafræði með áherslu á reikningshald.
Eitt skulum við muna, að ég mun aldrei falla í gryfju lágmenningar og uppgerðar sem umlykur staðalímynd viðskiptafræðingsins.
Síðast fór ég til tannlæknis árið 1998, þá voru fjarlægðir endajaxlarnir mínir, einn í efri góm og annar í neðri. Í dag, tæplega 9 árum síðar fór ég til tannlæknis. Tannlæknar eru töff, þeir eiga peninga og eru læknar sem þurfa ekki að bjarga mannslífum. Þeir banka aðeins í tannholdið og tennurnar þínar og rukka þig um fúlgu fjár. "Má ég sjá, já. Hér er tunga, fullt af tönnum og svo nokkrir tannsteinar. Ég ætla taka þá. Sko! Nú eru þeir farnir og þú skuldar mér einungis tólfþúsundíslenskarkrónur! HAHAHAHAHA". Að vísu upplýsti hann mig um að ég væri ekki með neinar skemmdir og að ég þyrfti að vera duglegri við að nota tannþráð og ég ætti ekki að skrúbba tennurnar: "Vinur, strjúktu þeim heldur létt með burstanum, svona eins og þú strýkur konunni þinni". GEÐVEIKT TÖFF! HINSVEGAR, þá var ástæða heimsóknarinar þessi: Þetta ku vera stíflaður munnvatnskirtill, hann taldi líklegt að kalk væri ástæða stíflunarinnar. Nú hef ég haft þetta í tæplega þrjú ár og kominn tími til þess að fjarlægja þetta unit. Áætluð brottför er fimmtudagurinn 27.janúar klukkan 15:45, ég er off þá helgi.
Ég reiknaði með kynæsandi og forvitnilegum körfuknattleik í nótt þegar Philly heimsótti Denver, Iverson. Úr varð hinsvegar lélegur körfubolti þar sem samheldni Philly liðsins hafði betur gegn einstaklingsframtaki Iversons. Dæmið hefur semsé snúist við. Philly farið að spila eins og körfuboltaLIÐ á meðan A.I. ætlaði að sjá einn um sóknarleik Denver. Aftur á móti vantar máttarstólpa í lið Denver, þá Carmelo Anthony og J.R. Smith. Vonandi fer Denver að spila sem lið þegar þeir koma tilbaka.
Ég hef áður minnst nokkrum orðum á þetta fyrirbæri, -- stuff on my cat -- og þykir mér þetta vera virkilega gott framtak. Við hjúin vorum byrjuð á þessu áður en við rákumst á þessa síðu og ég er viss um að fleiri kattaeigendur hafa gert það sama. Þetta er ekki sú frumlegasta hugmynd sem fram hefur komið, en mínímóin er einfaldlega svo mikið krútt á þessari mynd að ég verð að deila henni. Aftur á móti vitum við að vel snyrt motta er trONic töff!
Ég skammast mín fyrir að hafa deilt með ykkur David Banner laginu í færsluna á undan, það er einfaldlega leiðinlegt lag.
Þannig að, eða þ.a.l., eða ergo, ætla ég að gera ykkur glaðan dag og deila með ykkur einu af lögum ársins í fyrra með hljómsveitinni Sunset Rubdown, sem er einstaklingsverkefni Spencers Krug einum af meðlimi Wolf Parade. Lagið heitir SHUT UP I AM DREAMING OF PLACES WHERE LOVERS HAVE WINGS. Spencer syngur oft í þessu lagi: "Oceans never listen to us anyway". Þarna á hann við bloggsíðuna http://oceansneverlisten.blogspot.com/. Hér er vídjó af öðru lagi af plötu Sunset, Shut Up I Am Dreaming.
Þrátt fyrir að hafa deilt þessu lagi með ykkur þá skammast ég mín ennþá fyrir að hafa látið ykkur í T þennan óþverra sem var í síðustu færslu. Þannig að, ergo, þ.a.l., til þess að vinna traust ykkar tilbaka þá ætla ég setja tvö ólík lög með LIARS, en þeir áttu eina af plötum ársins 2006, Drum´s Not Dead. Fyrra lagið, The Other Side Of Mt. Heart Attack, er af plötunni. Hér er einnig vídjó fyrir hina sem geta ekki hægri smellt og gert "save as target" og hlustað á það.
Hitt lagið er Don´t Techno For Answer. Sótti það í nótt og það eru nú þegar komnar 5 (fimm) hlustanir. Gott rave.
Robyn. Þessi sænska stelpa var ungstirni á tíunda áratugnum sem sló í gegn með einum undra smell í Evrópu og BNA. Í dag er hún aftur við jaðar heimsfrægðar. Lög eins og Konichiwa Bitches og Cobrastyle eru nú þegar orðin þekkt.
Hún minnir margt á sænsku kærustuna hans Hauks í útliti, en klórar líklega ekki. Þar af leiðandi verð ég að deila þessu lagi með David Banner, PLAY.
Ég fann lýsingu um þetta lag með DAT Politics - Viper Eyes.: "Play the DVD of Gremlins 2 and then right at the bit where the bad Gremlins are all partying like its 1999 in the Clamp offices lobby, climb into the TV and join them. Dance and prance with the electric Gremlin that is stuck in the phone system. Make all the Gremlins wear oversized sunglasses".
The Dancing Robots are consistently and clearly dancing WITHOUT hats. THEREFORE, its possible to dance without a hat, but as we know, its not safe, NOT AT ALL. As we move further into the 21st century, safety becomes a larger factor of our lives. We highly recommend to maximize your security and safety while performing a dance by wearing a hat. In a case of an emergency the solution might be a deep pot or a light vase as a substitute for a hat. Don´t be a clown, wear a hat.
