Bob log III færsla:



Að ofan má sjá mynd af honum á tónleikum og hér að neðan eftir tónleika.



Hann er víst huge í Japan eins og má sjá hér --> dddddddddddbbbbbbbbbbbb
Hér er svo heimahöfnin hans ----------------> aaaaaaaaaaaaeeeeeeeeeeeee

ÞAÐ MÁ ENGINN KARLMAÐUR MISSA AF ÞESSUM TÓNLEIKUM.

Myspace er augljóslega það heitasta í dag, samt sem áður ætla ég ekki að falla í gryfju tískunnar og búa mjér til myspace svæði. Ég þarf ekki að tjá mig í gegnum þessháttar máta. Læt mjér duga að setja hingað inn daglega þannka og skemmtilega linka, en það er víst einnig það heitasta samkvæmt þínum kokkabókum, Haukur, en meira um mömmu hans síðar. En djöfull kunna sleater-kinney að rokka þrátt fyrir að kunna ekki allt á hljóðfærin sín. Þrjár sveitastelpur sem láta ekki bjóða sér hvað sem er. Er að leita að einhverju að gerast í Boston í lok desember en finn lítið, ætli maður kíki ekki bara á einhverja töff arty farty klúbba vegna þess að í dag er svo töff að vera arty, skal fallast á það, ætla samt ekki að fá mjér myspace svæði. Held að allir geti verið sammála um það að hið venjulega og augljósa er orðið þreytandi og heilsuskemmandi. T.d. tónlistin á kofanum síðasta laugardag og sjónvarpsþátturinn friends. Raxt á þennan skemmtilega ferðavef --> IITII <-- En hann er kannski of venjulegur fyrir þig og þar af leiðandi ekki töff. Vil hrósa mömmu hans Hauks Arnar fyrir þennan stórskemmtilega link --> IIZII<--

Svo virðist sem allir séu að eignast börn í dag, það er eitthvað rosalega töff. Að eiga krakka! Fyrir þrítugt. Gleðst ég með þeim sem það vilja, en ekki skil ég hvers vegna fólk vill eyða sínum yngri árum við að ala upp barn. Því miður er þetta ekki eitthvað fyrir mig. Stundum er þó ekkert val þar sem að óhöppin gerast og að sjálfsögðu er ég á móti fóstureyðingum þegar að stúlka verður ólétt og er í góðu sambandi. Lífið er eitthvað til þess að fagna. Ég læt mér kött duga. Vil ekki eignast barn fyrr en eftir þrítugt, nú eða ættleiða, er ekki nóg til af fólki í heiminum og börn að deyja úr fátækt í þróunarlöndum, hvers vegna ekki að veita einu bágstöddu barni gott heimili ?

Næsta laugardag verður uber stuð á grand rokk með Bob Log III svo verður eitt djamm með ameríska úlla helgina 16-18.des og jafnvel að einhverjum detti í hug að gera gott úr síðasta prófdeginum 21.des sem er miðvikudagur. Væri alveg til í dúndur þá.

Næsta laugardag: Bob Log III. Hér er myndbandið---> --III--

Nú er liðinn einn mánuður síðan ég fjárfesti fyrir okkur Friðgeir þær 200 krónur sem við eigum saman. Ég keypti 6 hluti (á genginu 14.8) í Íslandsbanka, 2 hluti í Bakkavör (44.6) og svo einn hlut í Jarðborunum (22.0). Alls kostaði þetta nákvæmlega 200 kr. Í dag er gengi Íslandsbanka 16.4, Bakkavör er í 48.0 og Jarðborannir með gengið 25.0. Þetta þýðir að í dag eigum við Friðgeir 219.4 krónur sem þýðir 9.7% ávöxtun á einum mánuði ! Á sama tíma hefur úrvalsvísitalan hækkað um 7.22%. Takk fyrir mig.


Svo hitti ég tvær strípistelpur á leið minni heim af djamminu á laugardaginn. Þær eru frá Rúmeníu og heita Sonia og Anita. Sögðust vera að læra á Íslandi, önnur þeirra sagðist vera í Master og hin var að læra Chief. Hinsvegar sá ég þær báðar labba útaf Óðal, bakdyramegin, og fengu sér pizzu á Pizza Pronto. Gékk ég á eftir þeim þangað og spurði þær hvaðan þær væru eins og stjörnublaðamaður. Svo labbaði ég í samfloti með þeim í átt að heimkynnum mínum, en þær búa á Sólvallagötu svo að við ákváðum að vera í gönguhóp. Báðar eru 22 ára og búa rétt fyrir utan Búkarest. Því miður verða þær á Íslandi ekki lengur en í 2 og hálfan mánuð í senn, önnur þeirra fer heim á fimmtudaginn.

Þetta er mögnuð mynd. Það er einfaldlega eitthvað við flugvélar og lestir sem heilla mig. Hefur gert það alla tíð enda hef ég ferðast víða og árlega síðan ég fæddist. Nú styttist óðfluga í Mexico ferðina 28.des, tilhlökkunin er gríðarleg. Samt þarf að varast lausa seli, en það liggur í hlutarins eðli.

N´sync.

"Sá sem kemur aftur er aldrei sá sami og fór", er aldrei of oft kveðin vísa, en þannig hefst ljóðið að farga minningu eftir Stefán Hörð Grímsson. Heimkoma. Við þurfum að aðlagast breyttum aðstæðum á stað sem við héldum að við þekktum fyrir, við þurfum að aðlaga hin nýju lífsviðhorf að samfélagi sem við vorum hluti af, en eigum erfitt með að finna torfuna okkar og getum ekki notað spjaldið. Við höfum fjarlægst gamla samfélagið okkar. Ókenndin hefur fundið aftur samastað hjá okkur, aftur, hún hefur verið allt í kringum okkur síðan við fæddumst og byrjuðum að stunda samfélagið og vera hluti af því. Því gerir ókenndin það að verkum að við getum horft á samfélagið okkar úr ákveðinni fjarlægð. Við finnum fyrir ókennd alls staðar í kringum okkur. "Unheimlichkeit". Þegar við höfum loxins aðlagast umhverfinu okkar þá finnum við á ný fyrir ókenndinni á stað þar sem við þekktum hvern krók og kima, því við komu nýrra andlita breytast aðstæður snögglega. Við þróumst hratt og ört og við getum ekki ætlast til þess að vera hluti af hverri breytingu. Sumir vilja meina að ókenndin sé af hinu góða en óöryggið sem fellst í ókenndinni er oft svo mikið að sjaldan viljum við finna fyrir því og höldum okkur í umhverfi sem við þekkjum, en afhverju ekki að horfa framhjá óörygginu innra með okkur og kanna hið nýja og vera forvitin og öðlast nýja reynslu.

"Ekkert í veröldinni er jafn áhrifamikið og máttur hugmyndar, sem kemur á réttum tíma". - Victor Hugo.

Það er mér mikið áhyggjuefni að íslensku nýsköpunar verðlaunin hafi hlotið ung stelpa sem hannar fatnað fyrir hunda. Hundum finnst ekki gott er vera í fötum, það er ekki í hlutarins eðli, nú eða hundarins eðli að vera í fötum. Unga stelpan tók það fram í viðtali á NFS (sem ég horfi á frá kl.14-18) að hundum á það til að verða kalt og þess vegna þurfa þeir föt, en hún hélt á litlum Chihuahua sem var klæddur í hátísku "kjól" eins og hún kallaði þetta þegar Halldór Ásgrímsson spurðist forvitinn um hvað væri vafið utan um dýrið. Halldór var samt sem áður einkar kjánalegur á þessari afhendingu og hélt áfram að reyna fyrir sér sem uppistandari í stað þess að vera virðulegur forsætisráðherra, hef samt sem áður fulla trú á því að hann er góður maður. Allavega, þá fékk þessi unga stelpa eina milljón fyrir þessa viðskiptahugmynd en alls bárust 30 slíkar í þessa samkeppni. Hátísku klæðnaður fyrir hunda ! Come on ! Hinsvegar, ef við horfum rökrétt á málið, þá gæti vel verið grundvöllur fyrir svona vöru hjá ríku fólki sem klæðir hundana sína í föt. Því hvað eru dýraföt annað en lúxusvara sem aðeins þeir efnameiru geta leyft sér og hvers vegna þá að fara ekki alla leið og gera hátískuföt fyrir þetta fólk. Markmið keppninnar, Nýsköpun 2005, er að stuðla að aukinni nýsköpun og frumkvæði í íslensku samfélagi. Þarna er vissulega á ferðinni frumkvæði, en nýsköpunin er af skornum skammti. Aftur á móti þá kom það fram þegar var verið að kynna sigurvegarann að þau hafa nú þegar hafið sölu á fatnaðnum víðsvegar um Evrópu: "Fyrirtækið hefur nú þegar hafið markaðssetningu og sölu á Norðurlöndunum, Bretlandi, Bandaríkjunum,Kanada,Ítalíu, Spáni og Hollandi". Nú hef ég leitað vítt og breitt um internetið og það eina sem ég finn um Theo-Fashion eða Theo-dog fashion er eftirfarandi:

Þetta ritaði Theo - Fashion
Svo Mr. Theodoulos Georgiou

Þannig að það virðist ekki vera neitt í þeim staðhæfingum að fyrirtækið hafi nú þegar hafið sölu á fatnaði sínum erlendis, þetta er hátískuvara fyrir dýr og til þess að koma henni á framfæri þarftu að hafa uppi öfluga heimasíðu til þess að breiða út boðskap vörunnar. Það er ekki nóg að mæta með hundinn þinn í kjól frá spakmannsspjörum og ætlast til þess að fá milljón kall til þess að selja svona fatnað fyrir hunda. Eða hvað !! Í kvöldmat vorum við með reykta ýsu með sykurbaunum og rækjum. Fínn réttur í fiskborði Nóatúns.

Önnur verðlaun í Nýsköpun 2005 eru hálf milljón króna. Þau komu að þessu sinni í hlut Eyþórs Kristjánssonar sem hefur þróað nýjar aðferðir til að greina og meðhöndla hreyfistjórn hálshryggjar hjá sjúklingum með einkenni um hálshnykk (tognun) eftir umferðaslys. Sérhannaður vélbúnaður og hugbúnaður gerir það kleift í fyrsta skiptið á alþjóðavísu að meðhöndla sjúklinga fyrir framan tölvu sem verður í samskiptum við hugbúnaðarforrit á Veraldarvefnum.

Maður spyr sig, hvers vegna í ósköpunum var þessi uppgötvun ekki í fyrsta sæti !

Romayne Swim farþegi frá Boston til Glasgow 19. september vill koma fram þökkum til áhafnar á FI 630. Ferðasagan fylgir með hér.

On September 19th. I was a passenger on Icelandair flight #630 from Boston, Massachusetts to Glasgow, Scotland with a stopover in Keflavik, Iceland. I was taken ill on the first leg of this journey. I lost consciousness and vomited. I would like to thank the captain and crew on that flight who took care of me in such a compassionate and professional manner. Two doctors and a physicians assistant answered the call by the crew for medical help. The crew assisted the medical team and helped make me comfortable.
I wish there was some way for me to thank the passengers on that flight who so willingly gave up there seats to accommodate my daughter and those attending to me. I was able to personally thank the medical team, but of course, I have no way of knowing who the passengers were.
I am hoping that you will be able to forward this to the captain and crew of that flight. The captain came back to personally check on my condition and to tell me that he had ordered an ambulance to meet the plane in Keflavik and I was in the hospital for only 8 hours and then discharged. We were able to continue our trip on Thursday and I was fine the rest of the time.
You must be very proud of the caliber of the captains and crews manning the Icelandair planes.

Thank you all again.
Sincerely yours,
Romayne Swim

Ég var ekki einn af þessari áhöfn, þó lennti ég í því í sumar að Kínverji varð blár í framan og var ég sá eini sem var í cabínunni til þess að koma með hjálp og athuga hvort læknir væri um borð. Það voru 3 læknar um borð í hálfri vél morgunflugs frá Kaupmannahöfn. Héraðslæknir Fáskrúðsfjarðar sá að mestu um Kínverjan sem var í hóp vina sinna og enginn þeirra talaði ensku og fóru samskiptin fram í lófatölvu sem Kínverjarnir áttu þar sem þeir þýddu kínverskan texta yfir á ensku. Sjúkrabíll tók svo á móti bláa Kínverjanum áður en við komum að rana og komu þeir inn að aftan úr bílatröppum. Mig hlakkar óneitanlega til næsta sumars til að takast aftur á við þetta starf og gista á fínum hótelum í borgum Ameríku og upplifa næturlífið í þeim og versla svo daginn eftir með dagpeningum sem ég verð á. En fyrst þarf ég að klippa mig.

Reyfarar eru sætmeti sem gefa orku í erli dagsins en skilja lítið eftir sig. Bókmenntirnar eiga hins vegar að vera kjarnbetri og stuðla að uppvexti og þroska þess sem neytir. Auðvitað getur það verið háð duttlungum tímans hverju sinni hvað teljast sorprit og hvað gullaldarbókmenntir en látum það liggja á milli hluta. Versta staða sem öndvegisbókmenntir geta lent í er ef þær hætta að teljast bragðgóð næring og fara að flokkast sem lýsi og grænfóður sem fólk sem neytir aðeins af skyldurækni eða neyð. Raunar er hægt að draga þessa líkingu lengra til þess að komast að kjarna málsins. Á Vesturlöndum er offita vandamál nú á dögum vegna þess að flestir borða án þess að velta sér mikið upp úr næringargildi og þegar upp er staðið er það bragðið sem ræður vinsældum hverrar fæðu. Á fyrri tíð átu flestir mun hollari fæðu en nú vegna þess að ekki var á öðru völ og galdrar nútímamatvælaframleiðslu með fitu og sykri voru ekki enn komnir fram. Þeir sem hins vegar borða hollustufæði nú á tímum gera það vegna þess að þeir hafa tekið um það meðvitaða og upplýsta ákvörðun. Lausnin við offituvandamálinu felst ekki aðeins í fræðslu heldur fremur í því að breyta matarmenningunni til betri vegar. Og hið sama gæti átt við um bókmenningu landsins. Þeir sem lesa fornsögurnar nú á tímum gera það af meðvituðum ástæðum en ekki af þeirri ástæðu einni saman að þeir vilji svala hungri eftir afþreyingu. En næg völ er á ódýru skyndibitafæði fyrir hina.

Gott er að taka daginn snemma.
Samkvæmt nýjustu tölum úr prófkjöri Framsóknarflokksins í Kópavogi mun Samúel Örn Erlingsson taka annað sæti á lista þeirra fyrir borgar-, nei afsakið, bæjarstjórnarkosningarnar á næsta ári. Alls tóku 2500 manns þátt í prófkjörinu. Sem er mjög gott því rúmlega 13.700 manns tóku þátt í síðustu sveitarstjórnarkosningum í Kópavogi og var þátttaka tæp 78 %. Samúel óskaði samt sem áður eftir fyrsta sætinu (eins og sannur íþróttamaður, stefnir á toppinn!) og reyndi að biðla til framsóknarmanna í Kópavogi í laugardagsútgáfu Morgunblaðsins, þar tók hann fram í pistli sínum að nú væru tímamót hjá Framsóknarflokknum og það þyrfti að tefla fram öflugum lista fyrir næstu kosningar. Þvílík innantóm þvæla ! En það sem verst er, það segja þetta allir frambjóðendur, sama í hvaða stjórnmálaafli þeir tilheyra ! Þó meigum við þakka guði (hér vilja sumir meina að það eigi að vera stórt G) fyrir að heilsíðuauglýsingar af Samúel birtust ekki í dagblöðunum. Einnig leit ég við í Smáralind í gærkvöldi og ekki voru þar neinir hetjufundir/gæsahúða-ræður á vegum Samúels Arnar, hinsvegar var fullt af LEGO kubbum í Vetrargarðinum og þar tók ég eftir einu sem gæti verið tákn upprisu bændasamfélagsins, ég sá ekki neitt tækni-LEGO. Annars er mér alveg sama um Kópavoginn, væri frekar fyndið ef íþróttafréttamaður hefði orðið fyrsti maður á lista Framsóknar í Kópavogi, segir sína sögu um sveitarfélagið, en segir enn meira um flokkinn, sannarlega tímamót þar á ferð. Til gamans má geta að Framsóknarflokkurinn fékk tæplega 28 % fylgi í síðustu bæjarstjórnarkosningum (2002), fengu 3 menn kjörna í bæjarstjórn og eru í meirihlutastjórn með Sjálfstæðisflokknum. Ergo, Samúel Örn mun að öllum líkindum verða í bæjarstjórn næsta kjörtímabil. Ergo, við eigum eftir að sjá fullt af efnilegum blakleikmönnum koma úr grunnskólum Kópavogs á næstu árum.

Þetta er virkilega áhugavert.

DANCE TEAM !

Mæli með að kíkja yfir spurningarnar sem eru í horninu hægra megin.

Hostel er ágæt B-mynd, Q.T. mætti vel í glasi á forsýninguna, hann talaði um að það væri varla runnið af honum eftir djammið hans í gær. Samt fullt af frægu fólki (frægum í augum íslendinga) Móa, Krummi, Jón Ólafsson, Dóri DNA, Hugleikur, Mummi Þjöl og Fjalar (þessi sem var einu sinni á skjá einum). Við sátum við hliðina á Mínus genginu, mjög viðkunnanlegir drengir. (Vona að þetta hafi verið rétt skrifað hjá mér G!). BTW, er einhver maður (þið sem lesið þetta, Gauti og Haukur) á Kung Fu Hustle á mánudaginn kl.1800 ?

Það er gott að halda úti smá skriffinsku reglulega, svona til þess að halda íslenskunni við. Finnst íslenska orðaforðanum mínum hafa hrakað síðustu ár, vonast til þess að hann styrkist með þessum pistlum. Taumur. Draga þarf taum. Jón dróg taumin.

"It is a basic human need to compete." -Howard Lederer. Í dag fékk ég 10 miða passa á októberbíófest og 2 boðsmiða í fordrykk og frumsýningu á Hostel á morgun. Sá mörgæsir áðan, hef alltaf verið hrifin af þessum dýrum og þær eiga hug manns og hjörtu eftir að hafa séð þessa mynd. Samt full mikið af dauðsföllum. Ekki fyrir viðkvæmar sálir.

Gunnar Karlsson prófessor í sagnfræði gagnrýnir í fréttablaðinu í dag hönnun nýju háskólatorgana sem eiga að tengja saman háskólabyggingarnar. Hann vill meina að háskólatorg II (sem verður byggt á milli Odda, Árnagarðs, Lögbergs og Nýja-Garðs) eigi eftir að slíta í sundur hugvísindadeildina. Einnig tók hann fram að göng sem verða byggð frá Odda og að Háskólatorgi I í gegnum Háskólatorg II séu ætluð sem göng hagfræðinga á barinn ??!! Í þessari sömu grein var einnig rætt við Ingjald Hannibaldsson, formann byggingarnefndar, og tók hann það fram að það væru hurðar á byggingunni sem snúa bæði að Nýja-Garði og Árnagarði, þannig að hugvísindadeildin ætti að eiga greiðan aðgang í gegnum Háskólatorgið og jafnvel skálað með hagfræðingum áður en þeir halda á vit ævintýrana í Árnagarði. Húrra fyrir Háskólatorginu, þegar þetta verður klárað er loksins hægt að tala um háskólasvæðið sem eina heild, að undanskyldinni læknadeildinni, en hverjum er ekki sama um lækna.



Annað: Ríkissjónvarpið á að vera lyftistöng fyrir leiklistina og öfugt. Þessa taug vantar. Ég er á móti einkavæðingu Ríkisútvarpsins. Einkarekið ríkisútvarp á ekki eftir að styðja við menningu vegna þess að það borgar sig ekki fjárhagslega. Þess vegna eru framleiddir þættir eins og Kalla kaffi, menningarlegir þættir sem að fá okkur til þess brjóta heilann og njóta nútímamenningar. Nei. Fyrir hvert heimili á landinu kostar RUV 2705 kr. á mánuði. Fyrst að BBC getur gert þetta almennilega þá hlýtur að vera hægt að gera þetta á RUV. Svo hefur danska ríkissjónvarpið framleitt marga framúrskarandi þætti síðustu árin og hafa þeir slegið í gegn hérlendis. Ég sakna þátta eins og Maður er nefndur og Mósaík. Það var alvöru menning. Í dag eru ekki mikið að gerast í innlendri dagskrágerð hjá RUV. Í brennidepli er virkilega góður þáttur og svo má ekki gleyma Gettu betur og hinu betrum bætta Kastljósi. Aðrar sjónvarpsstöðvar eru að reyna sitt besta í innlendri þáttagerð, en geta ekki framleitt hvað sem er sökum fjármagnskostnaðar. S1 hefur Silvíu og Popppunkt, báðir frekar kostnaðarlitlir í framkvæmd, svp Innlit/útlit, en sá þáttur hefur því miður misst faglega nálgun eftir að Vala Matt hætti. Það sem vantar eru fleiri ný andlit. Það er hinsvegar eitthvað sem RUV eru hræddir við, að hleypu nýjum andlitum og hugmyndum að skjánum. Skjár 1 hafur kannski ekki verið að hleypa mörgum nýjum andlitum á skjáinn, heldur frekar að tyggja á sama leðrinu í mismunandi útfærslum. Varðandi Stöð 2 þá virðast þeir nýta sér notaðar hugmyndir sem hafa slegið í gegn erlendis. Idol-stjörnuleit, það var lagið, viltu vinna milljón og alls kyns matreiðsluþættir. Ætli fóstbræður og sjálfstætt fólk séu það eina sem Stöð 2 hefur gert gott í innlendri þáttagerð á 10 árum ? Vonandi að nýji þátturinn hans Loga eigi eftir að verða skemmtilegur, góð hugmynd þar á ferðinni sem er ekki þessi síbylgjuleiðindi sem flestir eru að matreiða. Væri gaman að sjá the weakest link á Íslandi.

Var í gamni að láta verðmeta íbúðina mína sem ég keypti á 15.900.000 kr. í lok desember 2004. Fékk þetta svar tilbaka frá Draumahúsum:

Sæll Styrmir, ég mundi áætla að söluverðmæti eignar þinnar sé í kringum
21 milljón. Vertu endilega í sambandi við okkur ef þú ætlar að selja
eignina þína.

Með kveðju,

Þórarinn
------------------------------------------------------------------------
----------
Þórarinn Thorarensen Draumahús ehf.
Sölumaður Beinn sími: 530-1811
thorarinn@draumahus.is http://www.draumahus.is
------------------------------------------------------------------------

Fegin að hafa farið inná fasteignamarkaðinn fyrir ári síðan, annars hefðum við aldei getað haft efni á þessari íbúð sem við búum í núna í dag. Aldrei að vita nema við seljum eftir 2 ár og kaupum í 101, annaðhvort í Skuggahverfinu eða í nýja hverfinu sem mun rísa við Mýrargötuna árið 2009. Verðum samt hér þangað til að þetta háskólanám okkar er búið.

Vottur af heimsku hryðjuverkamanna er að ráðast á sitt eigið fólk. Í kvöld varð skipulögð hryðjuverkaárás á þrjár stórar hótelkeðjur í Amman, Jórdaníu, Radisson SAS, Hyatt og Days inn. Talið er að tæplega 70 manns hafi látist og allt að 200 slasast. Þeir eru vissulega að reyna koma einhverjum boðskap til skila með því að ráðast gegn ferðamönnum frá vesturlöndum, en á Radisson SAS var í gangi brúðkaupsveisla þar sem að 300 manns voru að fagna brúðkaupi innfæddra og er væntanlega mesta mannfallið á meðal þeirra. Með þessu áframhaldi hljóta íbúar mið-austurlanda að snúast gegn þessum öfgamönnum og hjálpa til við að gefa upplýsingar um hryðjuverkastarfssemi. Hinsvegar gæti þetta einnig orðið til þess að íbúar Jórdaníu snúist gegn stjórnvaldinu í landinu sem er annað tveggja mið-austurlanda sem eiga stuðning Bandaríkjastjórnar, hitt er Egyptaland. En þéttleiki byggðar í Jórdaníu eru 48 ferkílómetrar á mann og þjóðarlénið er .jo. Til gamans má geta að í dag er 9-11. Þó hlaut að koma að þessu í Jórdaníu vegna stuðnings þeirra við Bandaríkin og vestrænt samfélag.

Change of plan: Förum til Mexico í stað Dóminíska Lýðveldisins. HÓTELIÐ Töluvert dýrara, vikan kostar $1300 í stað $1050 á mann í D.L. Þetta hefur líka kosti fram yfir hitt, t.d. 6 veitingastaði, þ.á.m. einn japanskan ! Skipti út frábæru rommi fyrir hágæða Tequilla. Svo eru víst barir sem selja eingöngu Tequilla í Playa del Carmen, sem er ekki ýkja langt frá þeim stað sem við verðum á. Ætli maður verði nokkuð að fara eitthvað út fyrir hótelsvæðið, en til að gefa upp raunhæfa mynd um stærð svæðisins þá gengur lítil lest um svæðið til að ferja fólk á milli langra vegalengda innan þess. Þó reikna ég með því að fara í skoðunarferð og kíkja á Mára pýramídana í Chichen Itza.


Sjáið þessa fáranlegu sundlaug ! Hugeo !

Stefán Jón Hafstein er svo fínn gaur. Hress, skemmtilegur, ábyrgur og með mikla útgeislun. Svo hefur hann einnig unnið við hjálparstörf sem gerir hann að góðri manneskju. Einnig skartaði hann engu bindi í þættinum Ísland í dag og gaf hann ástæðuna að hann væri að fara á danssýningu hjá ÍD á eftir og vildi vera svolítið hipp og loose.

Einnig komst Svandís Svavarsdóttir vel frá sínu, dóttir Svavars Gestssonar fyrrverandi ráðherra og núverandi sendiherra í Svíþjóð. Hún er með góða lífsýn og stendur fyrir góðum málsstað fátækafólksins. Hún talaði um lýðræðið okkar, að allir eiga að geta tekið þátt og boðið sig fram í lýðræðislegum kosningum, en svo virðist ekki vera varðandi prófkjör sjálfstæðisflokksins vegna þeirra gríðarlegu útgjalda sem eru í formi kosningaskrifstofa og auglýsinga sem hafa fyllt dagblöð síðustu vikna, þú verður að eiga nokkrar milljónir til þess að safna fylgi og vera samkeppnishæfur. Hér er um að ræða lýðræði ríka fólksins, þar sem að hinir fátæku eiga ekki möguleika og þurfa að bjóða sig fram hjá öðrum listum til þess að komast á þing eða í borgarstjórn.



NBA. Sá tvo magnaða leiki á NBA TV, sem er hluti af fjölvarpinu, í nótt. Miami - Indiana og svo Lakers - Phoneix sem kláraðist þegar klukkan var farin að ganga sjö í morgun. Phil Jackson mættur aftur til LA og þríhyrningssóknina á að hanna í kringum Kobe Bryant og Lamar Odom sem pippenninn hans. Þeir áttu samt sem áður ekki möguleika gegn hröðu liði Suns og lék Steve Nash við hvern sinn fingur og var með tæplega 20 stuðsendingar. Þessi stöð er himnasending. Nú þarf einfaldlega að fara selja körfuboltamyndirnar aftur.

Skil ekki þetta Ragga Bjarna hype sem hefur verið í gangi síðan hann varð sjötugur. Hann er bara gamall karl.

SO YOU tHinK yOu CAn DanZe !!!

"I am so sad ´cause my father have never seen me dance, i have so much expression in my dance". -Destini.

"I am twenty five and i have the cancer" - Snow.

"My father was so mad at me because he didn´t like me to dance". -Craig.

Before i got into dancing i didn´t have any friends, but now, i have a hole family because that i dance, but my mom says i am failure, but i still love her". -Allan.

Ryan rústaði þessu kvöldi, ég stóð upp og klabbaði.
Djöfull var Destini reið þegar að síðasti dómarinn sagði að gæðin í listræna dansinum þeirra hefði verið Blake að þakka. Blake sem gat ekki borið feita rassinn hennar á bakinu, sem mér fannst ekkert skrýtið, ekki hefði ég viljað þetta flykki á bakið mitt. Blake er áberandi besti dansarinn í þessari keppni.

Úff... ég fórnaði meistaradeildinni fyrir þetta og alveg þess virði. Fáranlega gott sjónvarp.

Kannski að maður fari að æfa mambó við tækifæri og svo niður í bæ um helgar að krumpa.

http://www.krumpkings.com/

Í dag langar mig að mæla með hlutabréfakaupum í Íslandsbanka. Góður fjárfestingarmöguleiki. Ef þú átt 150.000+ kr. þá getur þú notað heimabankann þinn og gengið frá viðskiptunum sjálfur. Þægilegt. Gengið í dag er 15.2 og reikna ég með því að það verði komið yfir 17.0 í byrjun janúar, sem þýðir 11.8 % ávöxtun á 2 mánuðum.



Um næsta áramót þá ætla ég að skella mér til Dóminíska lýðveldisins með frúnni í gott tan. Einstaklega hagstætt að ferðast um þessar mundir vegna þess að við fáum svo mikið fyrir okkar dýrmæta gjaldmiðil. Reikna ég með því að við fljúgum til Boston 29.desember og gistum þar í 3 nætur á the Colonnade. Svo fljúgum við frá Boston 1.janúar niður til Karabíska hafsins þar sem við gistum á suðurströnd Dóminíska lýðveldisins á strönd sem heitir La Romana. Hótelið sem við verðum á heitir Iberostar Dominicus Haicienda og er allt innifalið. Þegar ég tala um að allt er innifalið á ég við að allir drykkir, áfengir sem og óáfengir, eins mikið og við viljum, morgunmatur, hádegisverður, kvöldhlaðborð og einnig 4 veitingastaðir þar sem þú getur valið hvað sem er af matseðlinum. Þetta er mjög þægilegt, þar sem að við þurfum ekki að eyða tíma í að finna veitingastaði (sem er reyndar oft mjög skemmtileg leit, að finna hið óvænta) og getum þess í stað eytt meiri tíma í tan-ið. Einnig er innifalið ótakmarkað nudd og aðgangur að froskalöppum sem þægilegt er að nota við sjósund og strandargöngu. Þarna munum við gista í eina viku og taka flugið aftur til Boston 8.janúar þar sem við lendum síðdegis og ættum þá að ná kvöldflugi heim til Íslands. Við erum í raun og veru ekkert að sækjast eftir því að gista í Boston lengur en þörf krefur sökum þess að frostið er gríðarlegt þar, allt að -15 gráður, þrátt fyrir það verður að sjálfsögðu verslað.

Þessi ferð mun kosta okkur saman 180.000 kr. með öllu (nema náttúrulega breytilega kostnaðinum sem felst í innkaupunum).

Hér er þráður á hótelið okkar í Dóminíska. Iberostar.